Van meest(er) janne van lyere/ Item want meester jan vander straten diemen heet van lyere in decreten/ licenciaet die ov(er)mids machte van scepen(en) brieven van loven(en) hem/ bekent van jouffr(ouwe) katlinen van franckenberghe wedewe b(er)telmeeus/ wilen van elte(re) na de heerlicheit ons gened(ichs) he(re)n des h(er)togen/ van bourg(oig)[nen] ende van brabant en(de) sijnre stat recht van loven(en)/ met meye(r) en(de) scepen(en) van loven(en) comen en(de) geleyt is tot/ vijftich rijnschen gulden(en) van goude goet en(de) gheeve erfeliker/ renten die de voirs(creven) jouffr(ouwe) katline hadde met scepen(en) brieve(n)/ van loven(en) hue(r) en(de) den voirs(creven) wilen bertelmeeuse van jonch(e)r/ willem greve van zeyne he(r) van sinte aeghten rode bekent aen/ en(de) op dlant dorp heerlicheit en(de) goede van sinte aeghte(n)/ rode voirscr(even) en(de) van ottenborch met allen hue(re)n toebehoirte(n)/ gelijc dat inden scepen(en) brieven van loven(en) voirscr(even) d(aer) met/ dat de renten voirscr(even) bewijst sijn volcomelic begrepen is in/ deen zijde ende h(er) h coenraet van elsloe he(r) van sinte/ aeghten rode voirscr(even) in dande(re) op heden dach hadden/ inde banc te loven(en) vande(n) renten voirscr(even) ende de/ voirs(creven) h(er) coenraet te sinen daghe van rechte hem/ gesedt niet inde vierscae(re)n noch voe(r) trecht come(n) en is/ Soe eest na dien dat de voirs(creven) meest(er) jan met/ sinen geleverden voirspreke hem gep(rese)nteert hadde en(de) versocht/ datmen hem houden soude(n) vande(n) voirs(creven) renten in sinen/ beleyde en(de) goeden rechte na inhoude(n) sijnre brieve dat/ de he(re)n scepen(en) van loven(en) gemaent vande(n) meyer gewijst/ hebben voe(r) een vonnisse want de voirs(creven) h(er) coenraet/ niet comen en is ten opstaen des meyers en(de) der scepen(en)/ datme(n) den voirs(creven) meest(er) janne vande(n) voirs(creven) rente(n) houden/ sal in sinen beleyde also verre alst noch voe(r) de/ scepen(en) comen is cora(m) kersmake(re) r smacht borch(oven)/ ov(er)wynge smet maii xvi