Van janne ts(er)arnts Tvonnisse tusschen janne ts(er)arnts in deen zijde en(de) janne/ vanden busdom in dande(r) alse vander thiende(n) gelegen t(er)/ deect toebehoe(re)nde den godhuyse van ts(er)thogendale die/ de voirs(creven) jan jeghen brueder jacop van reppemont/ convers des en(de) procurator des voirs(creven) godshuys eenen/ t(er)mijn van vi jae(re)n genomen hadde en(de) daer af vestich(eit)/ ontfaen voir scepen(en) van loven(en) die welke thiende/ de voirs(creven) jan vande(n) busdom den voirs(creven) janne ontreckken/ woude mids seke(re)n geloften die de voirs(creven) brueder/ jacop hem gedaen soude hebben was gewijst met / desen woirde(n) dat den voirs(creven) janne ts(er)arnts sijn/ pachtinge aen de voirs(creven) thiende na inhoude(n) sijnre/ brieve volgen soude en(de) hadde de voirs(creven) jan vande(n)/ busdom yeman(ne) van e(n)nig(er) geluften aen te spreken dat/ hij dat dade met den rechte p(rese)nt(ibus) k(er)smak(ere) borch(oven) / smacht ov(er)wynge ca(pelle)[man] smet jul(ii) xxiiii/