It(em) willem vande(n) hoevelde henric en(de) reyne(r) de beere gebruede(re) sijn/ come(n) in jeg(ewoirdicheit) der scepen(en) van loven(en) en(de) hebbe(n) genome(n) en(de) bekent dat/ sij genome(n) hebbe(n) van janne van oppendorp en(de) ja(n)ne vande(n) borchove(n)/ momboe(re)n en(de) vande(n) meestersse(n) vander formerien vande(n) beghijn/ hove te loven(en) vand(er) voirs(creven) formerien wege(n) de beemde der/ selv(er) formerien toebehoe(re)nde gelege(n) te binswijc in holsbeker/ beemde jans van gheele in beyden zijde(n) Te houde(n)/ en(de) te hebben van s(in)[te] m(er)tens misse naestcomen(de) eene(n)/ t(er)mijn van xii jae(re)n lang deen na dand(er) daer/ na volgen(de) elx jaers dae(re)n bynne(n) om xxi mudde/ even(en) goet en(de) paiabel d(er) mate(n) van loven(en) te/ s(in)[te] andr(ies) misse apostels te bet(alen) en(de) inde formerie/ te leve(re)n alle jae(re) den voirs(creven) t(er)mijn due(re)nde q(u)[o]lib(et)/ ass(ecutu)[m] Ende is vorw(er)de dat de voirs(creven) wy(n)nen de/ voirs(creven) beemde vande(n) de leste vi jaer vande(n)/ voirs(creven) t(e)rmijne niet breken en sele(n) Ende is vorw(er)de/ dat de voirs(creven) wynne(n) de grechte(n) vande(n) voirs(creven) wy(n)nen/ beemde(n) den voirs(creven) t(er)mijn due(re)nde houde(n) en(de) ruyme(n)/ sele(n) ten meeste(n) profite vande(n) beemde(n) en(de) voe(r) elke(n)/ v(er)droeghde(n) boem [die daer verdroge(n) sal] plante(n) ii leve(n)de pote(n) vande(n) selve(n) arde/ borch(oven) smet maii vi