It(em) de edele h(er) coenraet van elsloe scoenvorst he(r) tot elsloe en(de) te zittert/ met (con)sente mychiel absoloens en(de) jaspar absoloens die ov(er)mids vo(n)nisse/ van scepen(en) brieven van loven(en) geleit sijn tot den goeden des voirs(creven)/ h(er) coenraets in deen zijde en(de) philips van madegem die na/ den rechte der stat voirs(creven) geleyt is tot den goede(n) des edelen/ jonch(e)r dierix greve te zeyne in dande(re) Hebben uutgesedt/ ende verlengt den dach van kersmisse die lestwerf/ genome(n) was tvoirs(creven) seggen te seggen tot ons(er) vrouwe(n) dage/ lichtmisse naestcomen(de) en(de) den dach dae(re)n bynnen dat/ dov(er)man sijn seggen seggen soude die verlengt was/ tot lichtmisse voirs(creven) hebben sij voert verlengt en(de) uutgesedt/ drie weeken lanc na ons(er) vrouwe(n) dach lichtmisse/ voirscr(even) en(de) geloeft vast en(de) gestedich te houde(n) wes biden/ segge(re)n of ov(er)man die d(aer) toe gecoe(re)n is vand(er) saken tussce(n)/ hen in gescille hangende sal geseegt worden Voert/ heeft geloeft de voirs(creven) philips van madeghem jonch(e)r/ engelbr(echt) greve te nassou in dien te hebbe(n) dat hij/ tusscen dit en(de) lichtmisse naestcomen(de) come(n) sal voe(r) scepen(en)/ van loven(en) op dats de vi segge(re)n hie(re)n bynnen eens zijn/ en(de) gelove(n) jonch(e)r gheerde de joncgreve te zeyne te v(er)vaen/ dat hij tvoirs(creven) seggen gestentich houde(n) sal en(de) ofs de vi/ hie(re)n bynne(n) niet eens en worden dat de jonch(e)r van/ nassou dan de voirs(creven) gelufte doen sal by(n)nen iii weken/ na lichtmisse voirs(creven) duutsprake die dov(er)man d(aer) af doen/ sal en(de) dat geschiet sal de voirs(creven) philips vande(n) voirs(creven)/ verva(n)gen jonch(e)r gheerts ongehoude(n) sijn ca(pelle)[ma(n)] smet ip(s)o die b(ea)ti thome