It(em) want stoot tebat en(de) twidracht opv(er)staen sijn tusschen janne/ h(er)man en(de) arnde de raet gebruede(re) in deen zijde en(de) janne baten/ hue(re)n swagher en(de) margrieten raets sinen wive sust(er) der voirs(creven)/ gebruede(re) in dande(re) alse van allen alsulken goeden beyde/ have en(de) erve als hen bleve(n) sijn na doode h(er)mans wilen/ de raet en(de) beat(ri)cen wilen sijns wijfs vader en(de) moeder/ der voirs(creven) gebruede(re) en(de) suster Soe sijn beyde voirs(creven) p(ar)tien/ comen voe(r) scepen(en) van loven(en) en(de) hebbe(n) hen vande(n) voirs(creven)/ stoote en(de) van allen ande(re)n aenspraken en(de) tichten die sij/ deen tot den ande(re)n tot opte(n) dach toe van hede(n) opleggen(de)/ mogen sijn verbonden in segge(re)n en(de) vrientlic yffene(re)n te/ weten de voirs(creven) iii gebruede(re) in henricke keyenoge en(de)/ janne van scoenenberghe glaesmake(r) en(de) de voirs(creven) jan baten/ en(de) sijn wijf in h(ere)n willem(me) hubrechts canonc te/ sinte pet(er)s te loven(en) en(de) woute(re)n roelants in alsulker/ voegen dat de voirs(creven) iiii segge(re)n informacien en(de) dbescheit/ van beyden p(ar)tien aenhoe(re)n selen en(de) hue(r) uutsprake d(aer)/ af doen op heden mett(er) so(n)nen geloven(de) vast en(de)/ gestedich te houde(n) (et)c(etera) cor(am) roel(ofs) ov(er)wynge m(ar)tii xii