Van woute(re)n lorain/ Tvonnisse tusscen henricke vanden veken(en) en(de) henricke merx die geleydt/ sijn tot den goeden gheerts vande(n) putte in deen sijde ende woute(re) lorain van/ nethenen in dande(re) alse vanden goeden h(ier) nae bescreven Te weten/ van eenen bossche gelege(n) te sente aeghten roede op den waverschen/ wech tusscen de goede des he(re)n van rode It(em) van i(½) dach(mael)/ beemts gelegen te rode op de dile tusscen de goede gielis vande(n)/ veken(en) en(de) van ene(n) halve(n) mudde rogs erfs pachts d(er) mate(n) van/ wavre op seke(r) goede en(de) pande bertrisen coulon gelege(n) te/ duwecheal naest den goeden des h(e)r(e)n van rixeynsart Was/ gewijst in deser vueghen nae aensprake antwerde(n) en(de) nae thoenesse/ dat de scepen(en) beyde de p(ar)tijen setden inden hoeve dair de voirs(creven)/ goed(en) hoeve(n) aldair malc jegen dande(re)n recht te gheven ende/ te nemen p(rese)ntib(us) kersmake(re) roelofs cappelleman ov(er)wynghe iunior/ nove(m)br(is) xxix