Van pete(re)n van huwagen/ It(em) want pet(er) van huwaghen die ov(er)mids vo(n)nisse van/ scepen(en) brieven geleidt is tot allen den haefliken goede(n) joffr(ouwe)/ katline(n) van huwagen sijnre sust(er) weduwe jans wilen van/ herau met der stat brieve(n) hadde doen dach doen ja(n)ne rogiers/ en(de) jamot van adorp voir x g(ri)pen die sij der voirs(creven) joff(rouwe) kat(linen)/ sculdich sijn en(de) nu toebehoe(re)n den voirs(creven) pete(re)n mids machte van/ sine(n) beleyde ende de voirs(creven) jan noch ja(m)mot den voirs(creven) pete(re)n died(en)/ voirs(creven) x g(ri)pen niet en betaelden noch op heden jegen hen te/ rechte en quame(n) en(de) hi versochte in sine(n) beleyde gehouden te/ worden Soe hebben de he(re)n scepen(en) van loven(en) ter manissen/ smeyers gewijst voir een vo(n)nisse datmen den voirs(creven) pete(re)n/ vand(er) voirs(creven) schout houden sal in sinen beleyde alsoe v(er)re alst/ noch voir hen comen is p(rese)nt(ibus) nych(olao) kersmake(re) godef(rido) roelofs/ stepha(n)o smacht henr(ico) de borch(oven) (et) walt(er)o smet m(ar)tii xxi