Van will(em)me van ophem en(de) / baten pasteels/ Item want willem van ophem die nae d(er) stat recht van loven en(de)/ mids machte van scepen(en) brieve(n) van loven geleyt is tot allen den goeden/ have ende erve baten pastels de welke willem op den dach van hede(n)/ mett(er) stat brieve(n) hadde doen inscriven will(em)me woute(re) en(de) henricke/ lonijs gebruede(re)n aerde vand(er) motten henricke vanden huffle swagers/ d(er) voirs(creven) gebruede(re)n en(de) yde(n) lonis met hoe(re)n momboe(r) suster d(er) voirs(creven) gebrue(dere)/ welke p(er)sone de(n) voirg(enoemde) willeme aen sijn voirs(creven) beleydt hem onge/ bruyck deden vande(n) goede(n) h(ier) na bescreve(n) Inde(n) yersten van huyse/ en(de) hove met sijnre toebeh(oirten) gelegen te tielt tusscen de goede lijsbetten/ pasteels en(de) de strate aldair Item van i(½) dach(mael) lants gelegen tusscen/ de goede jan pasteels en(de) mertens reymouwen It(em) van enen/ eeusele geheten den wijngart eeusel gelegen aen de strate aldair/ en(de) de goede merten vand(er) smissen Item van ene(n) stucke beemts/ gelegen aen tvoirscr(even) eeusel houdende een dachmael gehete(n) de/ maesbeke tusscen de goede der kynde(re)n jan crauwels en(de) voirscr(even)/ eeusel Item vande(n) tweegedeelte van (½) boende(r) beemts geheten de(n)/ borchbeemt gelege(n) tusscen de goede jan pasteels en(de) willems van / broekem Item vande(n) gedeelte van ene(n) bossche gelege(n) inde(n) nuwen bosch/ Item vande(n) enen gedeelte boschs alsoet gelege(n) is in tgemeyn/ bosch gelege(n) dese voirs(creven) goede gelege(n) sijn inde prochie van tielt Tot/ welken daige van rechte de voirs(creven) willem dede sijn beleydt inde/ banc voe(r) meye(r) en(de) scepen(en) van loven lesen dair de selve p(er)sone/ niet voe(r) oeghe(n) noch ten selven daige van recht niet en quamen also/ om de voirscr(even) goede jege(n) de(n) voirs(creven) will(em)me ald(aer) te verantw(er)de(n) Alsoe/ dat de scepen(en) van loven t(er) manissen smeyers wijsde(n) voir een/ vonnesse datme(n) den voirs(creven) will(em)me vande(n) goede(n) voirscr(even) houde(n)/ sal in sijne(n) beleyde also verve alst noch voe(r) hen come(n) was/ cor(am) kersmake(r) roelofs smacht borch(oven) ca(pelle)[ma(n)] ov(er)wynge smet aug(usti) s(ecund)[a]
//