It(em) jan van arthem wonen(de) te lyec bij worme als momboir lijsbette(n)/ van rode sijns wijfs jan en(de) gord van rode gebruede(re) de selve jan/ van rode alse van desen saken renu(n)cie(re)nde der p(ri)vileg(ien) vander/ univ(er)sit(eit) van loven(en) willem de witte [de jonge] en(de) henric vande(n) scriecke/ als momboe(re)n lijsbette(n) en(de) marie van rode hue(re)r wive suste(re)n/ der voirs(creven) gebruede(re) Sijn come(n) in jeg(ewoirdicheit) d(er) scepen(en) van loven(en)/ en(de) sijn met malcande(re)n eens worde(n) alse vande(n) goede(n) beruerlic/ en(de) omberuerlic alsoe wel vande(n) leengoede(n) alse van tsijsgoede(n)/ of eygen(en) goeden die den selven p(er)sone(n) toecome(n) en(de) v(er)sterve(n)/ moghen vander doot jans van ee(re)nboudege(m) dieme(n) heet/ van rode der condicien en(de) vorw(er)den h(ier) na bescr(even) Inden/ yersten is vorw(er)de dat de voirs(creven) jan van arthem als/ momboir sijns wijfs ter stont na de doot tvoirs(creven) jans/ van e(re)nboudege(m) hebben en(de) ae(n)veerde(n) sal terdendeel van allen/ den goeden voirs(creven) en(de) dat dander twee derde gedeelte vande(n)/ voirs(creven) goede(n) selen de voirs(creven) jan en(de) gord gebruede(r) willem en(de)/ henric hue(r) swage(re)n inde(n) name van hue(re)n voirs(creven) wiven in vier/ deelen deylen [selen] Te weten dat elc van hen dair af een/ vierdel hebben en(de) aenveerde(n) sal en(de) hier mede sal elc/ vande(n) voirs(creven) p(ar)tien content en(de) te vreden sijn sonder/ yet meer te eyschen of te vervolgen al eest also dat/ e(n)nich van hen voirder dan dander na den lantrechte/ d(aer) inne gericht mach sijn of dat jan van e(re)nboudegem/ voirs(creven) in sinen testamente andersins gemaect heeft/ of namaels maecte Geloven(de) de voirs(creven) p(ar)tien de/ voirs(creven) vorw(er)de en(de) yffeni(n)ge vast en(de) gestedich te houde(n)/ en(de) [malcande(re)n te voldoen] ne(m)mermeer d(aer) jegen te doen noch te [gaen] gaen [ten tide alst gebue(re)n sal] bij/ hen selve(n) noch bij nyeman(de) anders in gheene(n) rechte/ gheestelic noch weerlic in gheenre manie(re)n k(er)smak(ere)/ ca(pelle)[man] sept(embris) t(ercia)