Item want gielijs van hoeye onlanx leden gecocht heeft alle de goede willems mas/ te geldenake en(de) daer omtrent gelegen te wete(n) elc boende(r) lants daer af alsoe verre/ de male dat leve(re)n sal om xxxii peters elc boender bosch om xxii peters ende elc/ boende(r) beemts om lxiiii peters en(de) elck mudde corens alsoe verre de voirs(creven) willem/ dat houden(de) is ende men vry beveinde(n)? sal om tweentwintich peters nae inhebben/ der come(n)scap daer af genoempt [gemaect] daer af dat de guedinge bevorw(er)t is te/ geschieden voe(r) meye(r) en(de) scepen(en) van loven(en) uut den beleyde daer mede dat jan van/ duffel tot des voirs(creven) willems en(de) oic tot willems spechts goeden geleyt is en(de) de mate/ vanden voirs(creven) erfgoeden noch oic de rente(n) volcomelijc niet bevonden noch onderwijst/ en sijn soe eest om der wille dat de voirs(creven) gielijs van hoeye opde voirs(creven) come(n)scap/ voe(r) den voirs(creven) willem mas verleegt heeft de so(m)me van hondert lxviii peters en(de)/ viii pl(e)c(ken) dat willem specht voirs(creven) die voe(r) den voirs(creven) janne dvan duffle tot des voirs(creven)/ willems mas goeden geleyt was tvoirs(creven) beleyt bracht heeft onder de scepen(en) van/ loven(en) in dier vuegen oft alsoe geviele dat de voirs(creven) willeme mas willem specht/ met janne van duffle den voirs(creven) gielijse van hoeye de guedinge vander voirs(creven)/ comescap niet en voldeden inder mate(n) die geschiet is en(de) me(n) bevynde(n) sal tusschen/ dit en(de) ons(er) vrouwe(n) dach liechtmisse naestcomen(de) soe soude de voirs(creven) jan van/ duffle met sine(n) voirs(creven) beleyde alle de goede des voirs(creven) willems mas alsoe/ wale tande(re)n plaetsen bynne(n) brabant alse te geldenake gelege(n) moege(n) aen/vveerden en(de) te hemw(er)t trecken tot derre tijt toe dat de voirs(creven) gielijs nae inhebbe(n)/ der come(n)scap guedinge en(de) vesticheit hebben sal en(de) vernuegt sijn van den/ so(m)me(n) gelts voirs(creven) en(de) oic van tghene des de voirs(creven) gielijs noch voe(r) den voirs(creven) willeme/ verlegge(n) sal en(de) bewise(n) sal co(n)ne(n) t(er) wetteg(er) waerheit met goede(n) ma(n)ne(n) derd oft die/ meer gedroege dan de goede voirs(creven) te geldenake gelege(n) bove(n) alle(n) co(m)mer ende
//
cost daer op loepen(de) drage(n) oft verstringe(n) souden moege(n) op alsoe dat de/ voirs(creven) gielijs eer hij de guedinge ontfaen sal willem specht goede borchocht/ sette(n) sal in brabant gesete(n) dat hij de vi schilde erfeliker rente(n) die pierson/ van grave(n) opde voirs(creven) gode van geldenake heeft daer af de voirs(creven) willem/ specht gelufte van genoech doen gedaen heeft afquite(n) sal bynne(n) drie jae(re)n/ nae dat de voirs(creven) guedinge geschiet sal zijn en(de) oic den selve(n) willem janne/ van vertrike stasse van ysvoert janne van waervaut ontheffen aen willem/ van hae(re)n van alsulken x mudden corens lijftochte(n) als de voirs(creven) p(er)soene/ den voirs(creven) willeme van hae(re)n sculdich zijn Item is vorw(er)de wanneer de voirs(creven)/ gielijs sijn guedinge hebben sal dat willem specht vande(n) selve(n) goeden/ daer gielijs inne gegoedt sal w(er)den sijn vorste beleyt quijtscelde(n) sal/ en(de) dat gedaen salme(n) will(em)e specht sijn beleyt wed(er)gheve(n) lomb(ar)t/ wit(te)[man] dec(embris) xiiii
//