Cond sij allen lieden da amelijs sone dierix wilen panneye/ van wairnant wonende temenas le baudewijn es comen in jeg(ewordicheyt)/ d(er) scepen(en) van loven(en) en(de) heeft genomen en(de) bekent dat hij genome(n)/ heeft van h(e)r(e)n wouteren vand(er) tommen prioer vande(n) goidshuyse/ van senter niclaes englanis bij luydeke en(de) procurateur des/ abds en(de) convents van s(en)[te] laureys bij luydick van des selfs goidsh(uys)/ weghe(n) van s(en)[te] laureys en(de) van hue(re)n weghen gemechticht gemae/

alle de goede des voirs(creven) goidsh(uys) van s(en)[te] laur(eys) te weten de wonynghe/ metten hove wynnenden landen thienden moelen renten beemden/ tsijsen derdeschove lant met allen hue(re)n toebeh(oirten) [gelege(n) temenaz le baudewin] gelijc de voirs(creven) amelijs/ de selve goede voirtijts gehouden heeft te houde(n) en(de) te hebben van/ op den yersten dach van merte lestleden ene(n) t(er)mijn van xii jae(re)n
//
lang deen nae dand(er) sond(er) middel volgen(de) elx jaers dae(re)n bynne(n) om drie/ hondert en(de) vertich mudde spelten goet en(de) paiabel d(er) maten en(de) pachts van/ ludic te s(en)[te] andries messe appostels te betalen en(de) ombegrepen tons(er) liever/ vrouwen daige lichtmesse [den voirs(creven) h(ere)n woute(re)n brued(er) ja(n)ne del chera sone jans wile(n) del chera brued(er) ja(n)ne del chera sone jaq(ue)mijns del chera monicke(n) svoirs(creven) cloest(er) van s(en)[te] laureys ja(n)ne goeswijn en(de) ja(n)ne van vertrike of den ene(n) van hen b(ri)ng(er) des briefs] en(de) opten graynier van s(en)[te] laureys oft bynnen ludic/ op de greniers vanden pensionarisen die aende voirs(creven) goede bewijst sijn oft/ sijn sullen te leve(re)n op cost en(de) vracht des voirs(creven) amelis jaerlijx den voirs(creven) t(er)mijn/ due(re)nde en(de) telken t(er)mijn als vervolghde schout Item sal noch de voirs(creven)/ amelis jaerlijx betalen den voirs(creven) t(er)mijn duerende voe(r) den cost vande(n) scepen(en)/ d(er) voirs(creven) h(ere)n ten drien jaergedinghen drie mudde spelten mate en(de) talinge(n)/ voirs(creven) It(em) sal de voirs(creven) amelis jaerlijx wel en(de) loflic sijnen t(er)mijn due(re)nde/ de voirs(creven) wynnende lande wynnen en(de) erien? van allen voren nae hoe(re)/ drie jae(re) aerde en(de) die margelen alsoemen boven ende beneden doen sal/ na usagie vande(n) lande aldair sond(er) te mesarden en(de) bynnen den selven/ tijde tweewerven wel en(de) loflic over mesten Item es vorweerde dat de/ voirs(creven) wynne alle stroe en(de) voesteringe vanden voirs(creven) lande en(de) thiende(n)/ en(de) goede comende bringhen sal int voirs(creven) hof sijnen t(er)mijn lang due(re)nde en(de)/ dat aldair verteren met sijnen beesten en(de) te meste maken en(de) dat/ vue(re)n op tvoirs(creven) lant slants meesten p(ro)fijte En(de) wairt alsoe dat dair/ over schote dat soude de voirs(creven) amelis ten eynde vanden voirs(creven) t(er)mine/ laten int hof vander voirs(creven) wynnynghen Item sal de voirs(creven) amelis ten/ uutgange vande(n) voirs(creven) t(er)mine tcoren dat hij gesaeyt sal hebben den/ voirs(creven) h(e)r(e)n laten ter taxacien van goeden lieden alsoet hem de voirs(creven) h(e)r(e)n/ gelevert hebben te weten elc boend(er) spelten voe(r) xii mudde deen doe(r)/ dand(er) van welker spelten sijn sal moeghen omtrent xxii(½) boend(er)/ Item sal de voirs(creven) wynne ten uutgange van sijnen t(er)mine loflic laten/ de voirs(creven) lande omgedaen gestort en(de) dmest wael geackert Item
//
es vorweerde wairt alsoe dat tvoirs(creven) coren ten eynde vanden voirs(creven)/ t(er)mine beter worde vonden bij taxacien dan sij wae(re)n doense de voirs(creven)/ amelis aenveerde soe selen de voirs(creven) h(e)r(e)n hem dair af rastoer doen/ wairt oec alsoe dat sij mater vonden worden dan sij wae(re)n te sijnen/ incomen soe soude de voirs(creven) amelis den voirs(creven) h(e)r(e)n dat oprichte(n)/ t(er) taxacien van goeden mans Item mach de voirs(creven) amelijs de derdeschoeve/ lande die hij niet gewynnen en can onder sijn ploegh voert anderen lieden/ te pachtegheven op alsoe dat hij getruwelick sijn macht dair toe doen sall/ dat sij gewonnen ende geworven selen worden gelijc den ande(re)n landen voirg(enoemt)/ sond(er) argelist Item es georloeft den voirs(creven) amelijs weert alsoe dat hij alle/ de ande(re) lande voirs(creven) niet gewynnen en conste dair hijse voert in so(m)migen/ deele sal moeghen uutgheven alsoe verre alst kenlic es dat hijse niet/ gewynnen en conste goeden lieden vanden voirs(creven) dorpe ende nyemande/ anders en(de) altoes alsoe dat stroe datter op wassen sall weder gevuert/ worde op de voirs(creven) lande Item es noch georloeft den voirs(creven) amelijs vanden/ thienden die verre gelegen sijn dat hijse voert verpachten mach aen/ goede liede met alsulker vorweerden dat inden lesten jae(re) vande(n) voirs(creven)/ t(er)mine de voirscr(even) thiende alsoe wale die verre gelegen is als die bij/ belegen es come int voirs(creven) hof vander voirs(creven) wynnynghen omme tstroe/ te meste te maken gelijc den ande(re)n stroe voirs(creven) Item weert alsoe dat/ yemant die den voirs(creven) amelise vander h(e)r(e)n weeghen tsijs sculd(ich)/ wae(re) ende in gebreke ware dien te betalen soe sal de voirs(creven) amelis dien/ vervolghen ende de pande uutwynnen metten rechte ende goedinghe/ dair af nemen tot der voirs(creven) h(e)r(e)n behoef en(de) op cost des abds en(de) convents/ voirs(creven) It(em) sal sculdich sijn de voirs(creven) amelies wettelick te ondersueken
//
op sijnen eedt nae sijn macht allen den tsijs renten en(de) capuyne vanden/ abdt en(de) covents voirs(creven) inde(n) name vande(n) ghenen diese sculdich sijn en(de)/ de pande die dair af sijn ende dat behoirliken met gescrifte overgheven/ Item sal de voirs(creven) amelis jairlijx alle de goede vander voirs(creven) pachtinge(n)/[b(re)ngen] int voirs(creven) hof uutgenomen tghene dat hem voe(r) geconsenteert is vande(n)/ landen en(de) thienden die verre gelegen sijn En(de) alse vanden byvange/ vanden voirs(creven) hove en(de) oic vander molen h(ier) nae genoemt es vorweerde/ datmense den voirs(creven) amelise wel en(de) souffisantelic gemaect leve(re)n sal en(de)/ hij salse sculdich sijn te houden alse van platen van wanden en(de) van/ dake en(de) mach de voirs(creven) abdt jairlijx eens trecken int voirs(creven) hof de/ voirs(creven) goede te visiteren en(de) dan sal de voirs(creven) amelis den montcost/ doen van sijnen huysgesynde van sijnen p(er)den avond en(de) morghen/ wel en(de) volcomelic sonder wijn te leveren Item sal de voirs(creven) wynne/ ten eynde vande(n) voirs(creven) t(er)mine den voirs(creven) h(e)r(e)n betalen drie/ mudde grauwer erwiten ende drie mudde veetsen diede selve/ h(e)r(e)n hem leenden ten innegaen van sijnen t(er)mine En(de) is vorweerde/ dat de voirs(creven) h(e)r(e)n tvoirs(creven) hof en(de) goede vryhouden sellen den/ voirs(creven) t(er)mijn duerende sonder argelist Item sal de voirs(creven) amelis/ houden sijnen t(er)mijn duerende de voirs(creven) molen en(de) den voerslach/ vand(er) molen van allen werke uutgenomen trat de molensteene/ de pile dbynnen rat en(de) den molenboem en(de) es te weten alse/ vanden voirslaghe dat amelis dair af betalen sall de dachue(re)n/ en(de) den cost vande(n) werclieden om den water sijne(n) [vryen] loep te hebbe(n)/ en(de) sijn geleyde op de voirs(creven) molen behoudelic oft overtull(ech)?/ vloet quame dat niet gescien en moet soe en soude amelis
//
dair inne niet gehouden sijn welke vorwerden ende condicien alle/ en(de) yegewelke voirscr(even) de voirs(creven) h(er) wouter vande(n) tomme(n) als mechtich/ van des voirs(creven) goidsh(uys) weeghen in deen sijde en(de) de voirs(creven) amelijs/ in dande(re) geloeft hebben malcanderen vast ende gestedich te houde(n)/ ende te voldoen tallen tijden dat sij vallen en(de) verschijnen sellen/ en(de) telken t(er)mijn als vervolghde schout absoloens voshe(m) junii xxvi
//