van janne collijn van serous Tvonnisse tusschen janne colijn van serous in deen zijde en(de) janne van molenbeke/ die nae den rechte der stad van loven(e) geleit is tot allen den haefliken goeden/ peters colijn brueder des voirs(creven) jans in dande(re) alse vander haven hier nae/ genoempt te weten van twee bedden met hue(re)n toebehoirten en(de) bedsteden It(em)/ van eenre samen eenen coffere It(em) van twee nappen twee dwelen eenen slapelaken/ seven oercussen v cussene iii pannen iii ketele eene(n) groeten ketel een hantvat/ eenen cope(re)n pot twe tynnen co(m)me iii tynnen scotelen een wiwat(er)vat i steynen crouke/ twe brantroede een wafelijser eenen hael eenen trest een hangendyser eene(n) roeste(re)/ een tange een halster eenen smoutpot eenen erdenen pot een kesesceve een/ calf Dair ane de voirs(creven) jan van molenbeke den voirs(creven) janne colijn ongebruyc/ dede en(de) hem die voirhielde tonrechte alsoe hij meynde met seke(re)n redenen die/ hij inden rechte dede lesen en(de) onder den ande(re)n om des wille dat marie moeder/ der voirs(creven) gebruede(re) die den voirs(creven) janne ov(er)gegeven hadde alsoe hij metten scepen(en)/ van serous oppenbaerlijc thoende Was gewijst met desen woirden nae aensprake/ antw(er)de en(de) thonisse van beyden p(ar)tien dat de voirs(creven) jan van molenbeke aende voirs(creven)/ have verdoelt wae(re) p(rese)nt(ibus) d(omi)no lud(ovico) pynnoc milit(e) judoco abs(oloens) will(el)mo lomb(ar)t/ dyonisio boys et andrea de voshem julii xvi