It(em) want staet en(de) tebat ov(er)staen is tusschen gheerde vanden putte gehete(n) inden/ eesel in deen zijde en(de) gielijse vande(n) putte van nethe(ne)n sijne(n) brueder in dande(re)/ alse van seke(re)n goeden die de(n) voirs(creven) gebruede(re)n verstorve(n) sijn vander doet jacops/ vande(n) putte huers brueders en(de) [oic] van alle(n) ande(re)n sake(n) en(de) stucken die de voirs(creven)/ gebruede(re) deen de(n) ande(re)n eysschen(de) en(de) opleggen(de) sijn soe sijn come(n) de voirs(creven) gebruede(re)/en(de) hebbe(n) voe(r) scepen(en) van loven(en) en(de) hebbe(n) hen vande(n) voirs(creven) stoete en(de) alle(n) ande(re)n stoete/ gesubmitteert in segge(re)n en(de) vrintlijc yffene(re)n te wete(n) de voirs(creven) gheert in henrike/ vanden vekene en(de) willem rogge en(de) de voirs(creven) gielijs in h(er) henrike vanden/ dale prieste(re) p(er)soen te voshe(m) en(de) jorijse reywaert in alsulker vuege(n) dat de/ voirs(creven) p(ar)tie(n) seggers beyder p(ar)tie(n) beyder p(ar)tie(n) bescheit aengehoirt huer seggen/ daer af segge(n) en(de) p(ro)nu(n)cie(re)n sullen mett(er) sonne(n) en(de) willen de voirs(creven) p(ar)tie(n) gelove(n)/ vast en(de) gestedich te houde(n) wes de voirs(creven) seggers hier af segge(n) sulle(n) hug(ar)d(en)/ vynckenbosch junii ult(ima)/