Cond zij allen allen lieden dat een deilinge geschiet en(de) gemaect is tusschen / jacoppe van overbeke jouffr(ouwe) katlinen scoex sinen wive in deen zijde / janne den roever den jonghen en(de) jouffr(ouwe) maghtilden coex sijnen / wive zuster der voirs(creven) jouffr(ouwe) katline(n) van alsulken goeden als hen / bleven en(de) verstorve(n) zijn na doode gords wilen coc vader der / voirg(enoemde) gesuste(re) te nederysche ende dair ontrent gelegen / dair af de voirg(enoemde) jouffr(ouwe) katline en(de) maghtilt samentlic / guedinge hebben voir meyer en(de) scepen(en) van loven(en) te deilen / Soe zijn bleven en(de) gevallen den voirscr(even) jacoppe [en(de) sinen wive] in zijn hue(re) / gedeelte de goede hier na bescreve(n) Inden yerste(n) dwoenhuys / metter stallingen [daer aen bety(m)mert] en(de) hove boven de selve woni(n)ge gelege(n) t(er) herstrate(n) / w(er)t te gade(re) met den watervalle of osidruppe vande(n) voirs(creven) huyse(n) / op doude messie vanden gehele(n) hove ald(air) [tussce(n) deyghen streetken en(de) de strate gaen(de) ten broecke w(er)t] It(em) tgedeelte van eene(n) / stucke wijngaerts gelege(n) boven den voirscr(even) hof te wete(n) de zijde / liggen(de) te leefdale w(er)t tusschen dand(er) gedeelte vande(n) selve(n) / wijng(ar)de des voirs(creven) jans de roeve(re) en(de) den hof des voirs(creven) jacops / gelijc deen gedeelte vande(n) ande(re)n ald(air) betekent en(de) verscheide(n) / is It(em) eene(n) beemt gehete(n) den langhen beemt gelege(n) opte / stat gehete(n) deyghen tusschen de beke ald(air) en(de) de goede jans / cretsart It(em) den beemt gehete(n) den molenbeemt tusschen / de beke gehete(n) de ysche en(de) den hof jans cretsart It(em) terdel / van eene(n) boend(er) beemts int gemeynbroec gelege(n) tussche(n) [jorijs bate(n) en(de) de kinde(re) stas cust(er)rs vande(n) beemde] It(em) de / helcht gehete(n) den groten ham gelege(n) te wete(n) de h [de] zijde liggen(de) / te ned(er)ysche w(er)t tusschen dand(er) helcht vande(n) selve(n) goede(n) den / voirs(creven) janne in sijn deilinge gevalle(n) en(de) wout(er)s wilen ridde(re)/[met eene(n) weghe steecken(de) vander strate(n) ov(er) den beemt gehete(n) den cleyne(n) ham den voirs(creven) janne in zijn deilinge gevallen tot den beemde des voirs(creven) jacops voirscr(even) en(de) oec tot (½) boend(er) lo beemts jacops baudewijns cox zijns zwagers] / It(em) eene(n) bog(ar)t gelege(n) bij de kerke ald(air) tussce(n) jorijs bate(n) en(de) de / strate ald(air) It(em) iii dach(mael) lants gelege(n) [aen] den hofacker gelege(n) tussce(n) / janne de smet en(de) den beemst des voirs(creven) jacops gehete(n) den / langhen beemt It(em) (½) boend(er) lants gelege(n) aen de langhaghe / tussce(n) des heilichs gheest goede van ned(er)ysche en(de) henrix / mahuus It(em) (½) boend(er) lants gelege(n) aen [tusschen den] mottemans bosch /tusschen [en(de)] de goede symoens van ophem It(em) i dach(mael) lants gelege(n) / acht(er) den hof gord carnays tussce(n) lod(ewijk) vand(en) eect en(de) ons(er) vrouwe(n) / outaer va(n) ned(er)ysche
//
It(em) iiii iii vierdel lants opt selve velt gelege(n) tussce(n) jacoppe strix / en(de) de goede wille(m) reymaer It(em) (½) dach(mael) lants gelege(n) tusschen / jannes ruelens goede op beyde zijde(n) It(em) iii vierdel lants / gelege(n) neven de heyde jans cretsart en(de) bide goede jacops / strix It(em) i dach(mael) lants gelege(n) aen goessens bosch tussce(n) / de goede henrix de coste(r) op beyde zijde(n) It(em) i stuc lants / opte(n) haeskens poel gelege(n) mette(n) eynde t(er) meeren w(er)t / tusschen symoen van ophem en(de) jorijs bate(n) It(em) ii (½) dach(mael) / lants gelege(n) neve(n) dleefdale peedeke(n) tussce(n) symoen va(n) / ophem en(de) des voirs(creven) jans de roeve(re) It(em) ii (½) dach(mael) lants gelege(n) / acht(er) den hof jans cretsart bide goede symoens va(n) ophem / It(em) (½) boend(er) lants gelege(n) tusscen wout(er) sangwijn en(de) henrix / vand(en) heyden It(em) iii dach(mael) lants gelege(n) acht(er) scoex willege(n) / tussce(n) janne de roeve(re) en(de) symoens van ophem It(em) (½) boend(er) / lants gelege(n) d tussce(n) de goede des voirs(creven) symoens en(de) henrix / que(n)tolart It(em) de iii dach(mael) lants op weerberch aen tvlierken / gelege(n) tusschen s de goede symoens va(n) ophem en(de) dlant van / oudreghem It(em) iii vierdel lants gelege(n) inde delle tusschen / wout(er) sangwijn en(de) jans mussche It(em) terdel va(n) v dach(mael) lants / gelege(n) over de wuwers tusschen jorijs bate(n) en(de) jans parijs / It(em) (½) dach(mael) lants gelege(n) opte hoelstrate tussce(n) de lande des / heilichs gheest van ned(er)ysche en(de) henrix vand(en) heyde(n) It(em) /(½) boend(er) lants of d(aer) ontrent bij thof ter sart tusschen de / goede des voirs(creven) jans de roev(er) en(de) den wech ald(air) It(em) i dach(mael) / lants gelege(n) boven de cluysdelle tussce(n) de goede wouters wile(n) / ridde(re) en(de) jans cretsart It(em) iii vierdel lants gelege(n) boven / de groot hoghe tusschen henr(ix) meers en(de) jans denijs / It(em) i dach(mael) lants gelege(n) neven dlant van oudrege(m) en(de) bij / de goede wouters van belande(n) It(em) i dach(mael) lants gelege(n) / tussce(n) wout(er) sangwijn en(de) jan mussche It(em) i en (½) dach(mael) / lants opt kerchofvelt int(er) tussce(n) woute(re)n van belande(n) en(de) / maes zuetma(n) It(em) i (½) boend(er) lants tussce(n) dlant van oud(er)gem / en(de) ons(er) vrouwe(n) lant van ned(er)ysche It(em) iii dach(mael) lants / ov(er) de wuwers gelege(n) tussce(n) joese roedeken op beyde zijden / It(em) v vierdel lants opt cleyn boschvelt tussce(n) janne vand(en) borch / en(de) jacops strix It(em) de helcht van vi (½) dach(mael) lants gelege(n)
//
inde meere tussce(n) dand(er) helcht vande(n) selve(n) goede(n) des voirs(creven) / jans de roeve(re) en(de) jan warmoes It(em) de helcht van (½) / boend(er) lants boschs gelege(n) op weerberch tussce(n) symoen va(n) / ophem op beyde(n) zijden It(em) de helcht va(n) (½) boend(er) heyde(n) / mette(n) hove d(air) op staende tusschen janne denijs en(de) den / wat(er)loop It(em) iii capuy(nen) outsijs aen en(de) op eene(n) hof gehete(n) / den wijng(ar)thof henrix mahuus gelege(n) op deyghen bij de / goede peters boxhorens It(em) xii mol(evaten) corens erfspachts / aen en(de) op huys en(de) hof gelege(n) op deyghen jans w(ar)moes / tussce(n) arnts smeets kinde(re) en(de) symoens fage It(em) ene(n) ung(er)sche(n)? / gulden(en) erftsijs aen en(de) op huys en(de) hof met sine(n) toebehoirte(n) jans spape(n) / gelege(n) inde dorpst(ra)te tusschen de goede vranx wile(n) niet en(de) de beckene aldaer / Ende zijn bleve(n) en(de) gevallen den voirs(creven) janne den roeve(re) en(de) / jouffr(ouwe)maghtilden sine(n) wive de goede h(ier) na bescr(even) inden / Ierste(n) de schue(re) mett(er) geheeld(er) messien en(de) stallagien staen(de) op / de zijde ten broecke w(er)t met eene(n) bog(ar)de acht(er) de strecken(de) / vande(n) eygen(en) streetken(en) en(de) [tot] der strate gaen(de) ten broecke w(er)t/ te gedade(re) met den osidrup vand(er) selv(er) schue(re)n opte(n) zijde vande(n) / hof den voirs(creven) jacops vallen(de) It(em) tgedeelte va(n) eene(n) stucke / wijngarts gelegen boven thof vande(n) voirs(creven) husinge(n) tusschen / gheerde vande(n) waeyenberghe en(de) tgedeelte des voirscr(even) / jacops van ov(er)beke gelijc dat vande(n) ande(re)n gedeelte ond(er) / scheiden is It(em) den beemt gehete(n) den vlieghers beemt / gelege(n) op [tusscen] de ysche tussce(n) [en(de) de goede] janne denijs It(em) eene(n) beemt / gehete(n) den cleyne(n) ham gelege(n) tusschen tgemeijn broec en(de) / peters de crune It(em) eene(n) [i (½) dach(mael)] beemts geleg(en) int gemeyn / broec tussc(en) de goeden jans cretsart en(de) de goeden symoens van ophem / It(em) de helcht vande(n) beemde gehete(n) den grote(n) ham gelege(n)/ tusschen dand(er) helcht des voirs(creven) jacops en(de) i baudewijns / coex It(em) vii vierdel lants gelege(n) op vrancken dal tussce(n) / de goeden henricx de coste(r) op beyde zid(en) It(em) (½) boend(er) lants gelege(n) / tusschen de goede sy(moen) van ophem en(de) jans vand(en) borch
//
It(em) i dach(mael) lants gelege(n) ov(er) de wuwers aen dassen haghe tussce(n) / dlant vand(er) coud(er) schue(re)n op beyd(en) zide(n) It(em) iii vierdel lants gelege(n) opt / kerchhof lant tusschen der heilege(n) geest van nederysche / en(de) wouters van belanden It(em) i dach(mael) lants gelege(n) neve(n) /

jan tusschen jan warmoes en(de) jans vand(en) borch It(em) (½) / dach(mael) lants gelege(n) tusschen wout(er) sangwijn en(de) jans w(ar)moes / It(em) i stuxken lants gelege(n) opte(n) heeskens poel opte zijde / ten eyghen(en) w(er)t tussce(n) sy(moen) van ophem en(de) jorijs bate(n) It(em) / ii (½) dach(mael) lants gelegen aen de langhaghe mett(en) vorlen / tussce(n) de goede des voirs(creven) jacops van ov(er)beke en(de) de strate ald(air) / It(em) ii (½) dach(mael) lants gelege(n) inde cluysdelle tusschen henr(ix) / de coste(r) op beyden zijden It(em) (½) boend(er) lants gelege(n) aen sbeckers / doe(re)nkens tussche(n) des heilichs gheest van ned(er)ysche en(de) / des outaers van ons(er) vrouwe(n) ald(air) It(em) iii dach(mael) xvi roeden / lants of d(aer) ontrent gelegen tusschen de strate ald(air) en(de) de / goede en(de) de goede(n) symoens van ophem It(em) i dach(mael) lants gelege(n) / op weerberch tussce(n) wouters wilen ridde(re) en(de) dlant van / oudrege(m) It(em) i dach(mael) lants gelege(n) tussche(n) sy(moens) van ophem en(de) / henrix qua(n)telart It(em) iii dach(mael) lants gelege(n) aen weerberch / liggen(de) mette(n) eynde ten bossche w(er)t tussce(n) dlant van oud(er)gem / en(de) jan w(ar)moes It(em) i dach(mael) lants gelege(n) tussce(n) lod(ewijck) vand(en) eect / en(de) henrix scosters It(em) (½) boend(er) lants gelege(n) tussc(en) wout(er)en / den ridde(r) en(de) henrix meens It(em) i (½) dach(mael) lants geleg(en) / opte(n) ketelpoel tussce(n) janne w(ar)moes en(de) jan denijs It(em) / xxv roede(n) lants gelege(n) tussce(n) janne cretsart en(de) jans denijs / It(em) i dach(mael) lants gelege(n) neve(n) den beemt t(er) sairt tussc(en) / janne denijs en(de) der kerken van ned(er)ysche It(em) i dach(mael) / lants geleg(en) aen kerstine(n) gat tusschen woute(re)n sangwijn / en(de) janne peerma(n) It(em) ii (½) dach(mael) lants gelege(n) aen toe(re)nken / tussce(n) wout(er)en sangwijn en(de) dlant van oudreghe(m) It(em) i / boend(er) lants gelege(n) ov(er) de wuwers tussce(n) janne van maerbeke / op beyden zijden It(em) i boend(er) lants gelege(n) tussce(n) janne / vand(en) borch en(de) jans warmoes It(em) de helcht van vi (½) dach(mael) / lants gelege(n) inde meere op dov(er)ste zijde tusscen dand(er) helcht / des voirs(creven) jacops van ov(er)beke [in deen zijde] en(de) de strate ald(air) in dande(re) zide
//
It(em) i boe tgedeelte van eene(n) stuck lants gelege(n) bij thof vand(en) / sart tussce(n) dand(er) gedeelte des voirs(creven) jacops en(de) peters de / crune gelijc dat deen vande(n) ande(re)n ond(er)scheide(n) is It(em) de helcht / van (½) boend(er) boschs gelege(n) op weerberch tusschen symoen va(n) / ophem op beyden zijde(n) It(em) de helcht van (½) boend(er) heide(n) / mette(n) houte d(aer) op staende tusschen janne denijs en(de) / den wat(er)loop It(em) viii mol(evaten) rox erfspachte op eene / huys en(de) hof peters van oordenberghe te ned(er)ysche / gelege(n) It(em) vi mol(evaten) rox erfspachts aen en(de) op iii / vierdel lants [aen mottemans bosch en(de) op iii vierdel lants aen den langhaghe] lodewijx vand(en) eect en(de) henrix vand(en) / heide(n) te ned(er)ysche gelege(n) It(em) vii l(i)b(ra) pay(ement) borsgelts / aen en(de) op huys en(de) hof jans cretsart te ned(er)ysche / gelege(n) Ende is ond(er)sproken en(de) tusschen den voirs(creven) jacoppe / en(de) janne en(de) hue(re)n winen bevorw(ert) dat elc van hen betale(n) / en(de) ghelde(n) sal allen den chijs en(de) co(m)mer uut sine(n) / gedeelte gaen(de) uutgescheiden den last en(de) co(m)mer uut / der gheheeld(er) woen(in)gen met den [huse(n)] hove(n) bog(ar)den en(de) wijng(ar)de / d(aer) toe behoiren(de) [gaende gaen(de) te wete(n) ons(er) vrouwe(n) outaer iiii mol(evaten) corens s(en)te(n) claes outaer vi mol(evaten) corens de of ande(re)n op de helcht eest va(n) s(en)te qui(n)tens (½) mudde corens den beghijne(n) van loven(en) (½) mudde corens den h(er)toge i sister voe(r) thouden coe(re)n? i zister corens der studien van loven(en)]voirg(enoemde) den welken sij talle(n) tiden en(de) t(er)mijne(n) /va gelik(er) hant gelde(n) selen en(de) d(aer) af malcande(re)ns goede / lossen niet wederstaen(de) dat deen van hen d(aer) inne meer / rechts dan dan dand(er) hebbe(n) mach Ende en(de) hebbe(n) elc / van hen d(aer) voe(r) hue(re) gedeelte(n) tond(er)pande gesedt It(em) is / oec vorw(er)de w(er)t dat e(n)nich vande(n) p(ar)tien hue(re) goede of / e(n)nich va(n) hen verboe(re) mette(n) rechte dat sij d(aer) af / den last te gelike drage(n) sele(n) en(de) malcande(re)n / vergoetse(n) welke deilinge ald(us) gemaect It(em) is / oec vorw(er)de dat de voirs(creven) jacop sine(n) voirs(creven) grote(n) / ham sal moge(n) wete(re)n doe(r) de grechte(n) vande(n) cleyne(n) / ham op also dat hij de grechte(n) rumen / en(de) vag(en) sal als hijs behoeft hug(ar)d(en) vynck(enbosch) ja(nuarii) xxvi/