It(em) henric vanden poele van wackersele es come(n) in jegewoirdich(eit) d(er) scepen(en) van loeve(n) / en(de) heeft genome(n) en(de) bekent dat hij genome(n) heeft van magriete(n) weduwe lodewijc wile(n) / uut(er) helicht thof der selver magriete(n) gelege(n) inde prochie van [te] wackersele mette(n) huysen / hove(n) wynne(n)den landen beemden eeuselen en(de) allen sijne(n) toebehoirte(n) te houde(n) te hebben / ende te wynne(n) van halfmeye naestcomen(de) eene(n) t(er)mijn van nege(n) jae(re)n lang deen nae dand(er) / sonder middel volgen(de) Elx jaers dae(re)nbynne(n) de voirs(creven) lande om viere(n)veertich mudde rox / d(er) mate(n) van loeve(n) alle jae(re) te sinte andries misse apostels te betale(n) en(de) te / loeve(n) oft taerschot d(aer)t der voirs(creven) magriete(n) best genuege(n) sal te leve(re)n alle jae(re) / de(n) voirs(creven) t(er)mijn due(re)nde en(de) telke(n) t(er)mijne als vervolgde scout Ende de voirs(creven) / beemde en(de) eeusele elx jairs dae(re)nbynne(n) om tweentwintich hollansche(n) gulden(en) van / goude goet en(de) ghinge alle jae(re) te s(en)[te] m(er)tens misse inde(n) wynt(er) te betale(n) jaerlijx / de(n) voirs(creven) t(er)mijn due(re)nde q(uo)lib(et) ass(ecutu)[m] Item sal de voirs(creven) wynne jaerlijx m(er)gele(n) een / boend(er) lants te(n) meeste(n) profite It(em) en sal de voirs(creven) wynne de voirs(creven) lande bynne(n) / den drie leste(n) jae(re)n niet moegen hoervruchte(n) dan ii (½) dach(mael) It(em) sal de voirs(creven) / wynne jaerlijx leve(re)n xl bussele(n) walme(re) om de huysinge vande(n) voirs(creven) hove / mede te decken en(de) elc bussele van x walme(re)n Ende soe wa(n)neer men den / voirs(creven) walm verdeckt soe sal de voirs(creven) wynne de(n) decke(re) diene(n) en(de) sijne(n) mont / cost gheve(n) en(de) de voirs(creven) magriete sal de dachue(re)n betale(n) It(em) sele(n) de voirs(creven) / magriete en(de) de wynne hebbe(n) half en(de) half doeft dat op de voirs(creven) goede jaerlijx / wasse(n) sal It(em) sal de voirs(creven) wynne de huyse vande(n) voirs(creven) hove houde(n) vand(er) / ond(er)ster rikele(n) ned(er)w(ert) op sijne(n) cost It(em) alme(n) int tvoirs(creven) hof eenige(n) leem be / hoeft die(n) sal de voirs(creven) wynne besorge(n) en(de) int tvoirs(creven) hof leve(re)n It(em) sal de voirs(creven) / wynne jaerlijx gheve(n) der kercke van wackersele een gelte lantwijns en(de) een halster / raepsaets It(em) en sal de voirs(creven) henric opde voirs(creven) goede gheen eyken moige(n) strucke(n) m(er) / wille(n) en(de) ander boeme aende voirs(creven) goede staende om de voirs(creven) goede mede te bevrede(n) / It(em) de voirs(creven) g wynne sal de voirs(creven) goede te(n) eynde van sijne(n) voirs(creven) t(er)mijne wel en(de) loflijc
//
bevreet laten te(n) en(de) vermaect It(em) sal de voirs(creven) wynne jaerlijx der vors(creven) magriete(n) / moete(n) houwe(n) jaerlijx op huer and(er) goede en(de) eeusele ii[c] heytshels om de voirs(creven) / goede mede te beheyme(n) It(em) de voirs(creven) wynne sal te(n) afscheyde(n) van sijne(n) voirs(creven) / t(er)mijne tsom(er)core(n) besaeyt late(n) gelijc reengenoete(n) de brake eens omgedaen It(em) / sal de voirs(creven) wynne de voirs(creven) lande late(n) besaeyt en(de) geackert alsoe hijt vint / dats te wete(n) int dblock aent tvoertbroec ii boend(er) blake(n) en(de) alle dand(er) int / tselve block besaeyt met braecrogge ende acht(er) de keescame(r) een dach(mael) / met stortvoe(re)n It(em) en sal de voirs(creven) wynne om de(n) voirs(creven) prijs van xxii hollan(sche) / gulden(en) niet meer hebben daen deeusele en(de) beemde d(er) voirs(creven) magriete(n) h(ier) / nae genoempt te wete(n) deeusel gehete(n) la(m)mersvelt deeusel gehete(n) den / opstal deeusel gehete(n) tforste eeusel deeusel gehete(n) kannaets eeusel / en(de) deeusel gehete(n) hoege(n)hof It(em) sal de voirs(creven) wynne de wege aende / voirs(creven) goede en(de) de wat(er)leyden veegen en(de) [re]paree(re)n alsoe dat der selv(er) / magriete(n) d(aer) af gheen scade en come It(em) en sal de voirs(creven) wynne de voirs(creven) / eeusele te(n) tween lesten jae(re)n niet moge(n) saeye(n) It es vorw(er)de dat de / voirs(creven) wynne te sine(n) leste(n) jae(re) de vruchte(n) vande(n) buten lande dat / hi wy(n)nen sal bute(n) sal moghe(n) leggen sond(er) begrep desgelix sal / de voirs(creven) wy(n)ne de voirs(creven) goede met rogge besaeyt / late(n) also hij die beynde(n) sal lang(rode) vynck(enbosch) fe(bruarii) / xxiii