It(em) willem dyngelsche als gemechticht vande(n) cloeste(r) va(n) aiwirez/ in deen zijde en(de) jan paelhet poirte(r) van loven(e) in dande(re) die/ van seke(re)n stoote die uutsteet tussche(n) tvoirs(creven) cloeste(r) en(de) ja(n)ne paelhet/ op hede(n) dach hadde(n) inde banc te loven(e) sijn come(n) voe(r) scepen(en) / van loven(e) scelden(de) malcande(re)n quite alsulke(n) clage als sij op/ malcande(re)n gedaen hadden op also dat de voirs(creven) jan come(n) sal/ tot aiwirez inde(n) cloeste(r) [van sondage naestcom(ende) in viii d(aghen)] om eens te werde(n) met deen met/ den ande(re)n en(de) soe wes e(n)nich vande(n) voirs(creven) p(ar)tien op den ande(re)n/ bethoene(n) can ten voirs(creven) daghe dat hij hem sculdich is dat sij/ deen den ande(re)n d(aer) af vereinege(n) selen en(de) oft m(ijn) vrou de voirs(creven) / willem e(n)nige(n) eysch dade inden name van m(ijnre) vrouwe(n) voirsc(reven) / tot den voirs(creven) ja(n)ne en(de) niet bethoene(n) en can dat des de/ selve m(ijn) vrouwe tot hue(re)n erde geloeft sal zijn te houde(n) / en(de) of jan te mij vrouwe(n) w(er)t voirsc(reven) e(n)nige(n) eysch dade en(de) / niet bethoene(n) en conste d(air) af mach m(ijn) vrouwe hue(re) ontscul/ dege(n) te hue(re)n eede op dat zij wilt en(de) of zijs niet doen/ en woude soe sal jan zijne(n) eysch bij zijne(n) eede groetse(n) / hug(ar)d(en) vynckenbosch julii p(ri)ma