SAL7334, Act: R°144.3-V°144.1 (144 of 429)
Search Act
previous | next
Act R°144.3-V°144.1  
Act

Transcription

2014-05-07 by xavier delacourt
Tvonnisse tussche(n) lenarde hannarde in deen zijde ende janne de pont /
in dande(re) alse vander comescap vander pechtinge(n) des hoefs te torrebais /
le sentron gelege(n) den voirs(creven) twee p(er)soene(n) toebehoiren(de) daer af de voirs(creven) jan /
de helicht des voirs(creven) leenarts genome(n) hadde vanden jae(re) van sevene(n)dertige(n) /
eene(n) t(er)mijn van xii jae(re)n daer naestvolgen(de) Elx jaers op xviii mudde /
corens daer af eene(n) t(er)mijn leden wae(re) ende van xv gripe(n) die de voirs(creven) /
jan den voirs(creven) lenard van gevallen(de) gelde van preste oic sculdich was /
gelijc de voirs(creven) lenart dat boet te bewisen hoepende daer om ten /
uutersten dat de voirs(creven) jan hem vand(er) voirs(creven) comescap vesticheit doen /
soude ende voert betale(n) xii mudde corens die hij vande(n) voirs(creven) xviii /
in gebreke was ende de voirs(creven) xv g(ri)pe(n) ost bewisenisse daer af doen /
opt dwelc de voirs(creven) jan kende inden yerste(n) de voirs(creven) comescap p(res)ntere(n)de /
daer af vesticheit te doen seggende voert dat de voirs(creven) leenart /
van hem uut sijne(n) hove te rous ontfange(n) hadde xii oft xiii mudde corens /
ende dat hij daer met vande(n) voirs(creven) gehele(n) pachte met gaders den vi /
mudde(n) die hij kende gehave(n) te hebben betaeelt wae(re) alsoe hij dat boet /
te bewisen opdoende dat hij tvoirs(creven) gelt voe(r) den voirs(creven) leenarde betaelt
//
hadde aen diverse p(er)soene inden rechte genoempt en(de) ten bevele lenarts /
voirs(creven) p(res)ntere(n)de sijne(n) eedt dat hij hem daer af niet sculdich en wae(re) was /
gewijst met desen woirden waer de voirs(creven) jan van den voirs(creven) pachte va(n) /
xii mudden betalinge dade oft bewisenisse ende voert ontschout vanden /
gelde alsoe hij p(rese)nteerde dat hij daer mede gestaen soude ende /
den voirs(creven) leenarde vande(n) voirs(creven) comescap vesticheit doen gelijc hij /
gekent hadde p(rese)nt(ibus) lomb(ar)t abs(oloens) roel(ants) ca(pelle)[ma(n)] velde lint(er) oct(obris) /
ult(ima) /
ContributorsSabrina Keyaerts , Kristiaan Magnus , Inge Moris , Kristiaan Magnus
Moderated byInge Moris
Last update: 2012-09-05 by Sabrina Keyaerts