It(em) is vorwerde dat den voirs(creven) brief sal blive(n) ond(er) scepen(en) in des(er) vuege(n) / gevielt h(ier) namaels dat jan leerse bij e(n)nige(n) rechte gheestlic of / weerlic bedwonge(n) worde wed(er) te restitue(re)n alsulke(n) goede als hij / mids den beleyde d(aer) mede hij bel(eit) is tot den goeden jans van eynde / aenvert heeft of oic om d(er) selv(er) saken cost last co(m)mer motenisse oft / scade lede in wat manie(re)n dat wae(re) het zij luttel oft vele dat / hij hem dan met den voirs(creven) schout br(ieven) sal moge(n) behulpe(n) om / dair af geheel restitucie te gecrige(n) eve(n) verre hij dien met sijne(n) / eden groetse(n) sal en(de) anders niet cor(am) eisd(em) /