It(em) om deswille dat jan vande(n) eynde die zeke(re) brieve bekent hadde / janne leerse den jongen dair met de selve jan hem tot sijne(n) goeden / hadde doen leyden en(de) met hem henric goloy en(de) arnt van mo(n)chove(n) / come(n) zijn voir den raide vand(er) stat thoenende hoe de selve jan hen / zeke(re) scade ghedaen hadde met den voirs(creven) brieve die janne leerse / bekent was sond(er) ond(er)scheit of claernisse vande(n) jongen te maken des zij / hen tot den brieve ghedroegen dwelc alsoe zij meynden to(n)rechte / wae(re) ghemerct dat hij noch ene(n) vad(er) levende hadde die bellike(n) / de macht vande(n) voirs(creven) brieve toebehoirde bege(re)nde dair om den / voirs(creven) janne voir de voirs(creven) scade gehouden te hebben dwelc gesciet sijn beyde / de p(ar)tyen ontboden voir den raide vand(er) stad die elc sijn besceyt hebben gethoent / en(de) opgedaen Na den welken de stad goede informacie yerst hebben(de) van horen / sec(re)rarijse dair vore(n) de voirs(creven) handelinge gesciet es get(er)mineert heeft dat / men de voirs(creven) brieve r(er)formeren sal op ja(n)ne de leerse den jongen en(de) dat / de selve jan van alsulken coste als hem de voirs(creven) drie p(er)sone(n) eyschen yesschen / en(de) in de vroente gedaen hadde ongehouden sal sijn Actu(m) in pleno (con)silio / januarii viii anno xiiii[c] xxxix /