It(em) cont zij allen lieden dat pet(er) moerkens sone wijle(n) wout(er)s van/ cortbeke ov(er)dile zs come(n) in jegewordich(eit) der scepen(en) van loven/ en(de) heeft genome(n) en(de) bekent dat hij genome(n) heeft van/ henricke(n) abs(oloens) ene(n) hoff met woni(n)gen huse(n) hove(n) wynne(n)de/ lande beemde en(de) bogarde gelijc dat gelegen is te ned(er)yssche/ Te houde(n) te hebben en(de) te wynne(n) van halfm(er)te lestlede(n)/ ene(n) t(er)mijn van vi jae(re)n lang deen na dander sond(er) middel/ volgen(de) elx jairs dae(re)n bynne(n) om xxi mudde(n) rox goet/ en(de) payabel d(er) mate(n) van loven(e) en(de) om x grijpe(n) te xl pl(a)c(ken)/ Te wete(n) tcore(n) d(aer) aff te sint andries misse ap(oste)ls en(de) tgelt/ sinte m(er)tens misse te betalen en(de) tcore(n) te loven(e) te leve(re)n alle/ jae(re) de(n) voirs(creven) t(er)mijn due(re)nde en(de) telke(n) t(er)mijne als vervolghde/ schout It(em) es vorwerde dat de voirs(creven) wyn de voirs(creven) lande/ wel en(de) loflec wynne(n) werve(n) en(de) besaeyen sal gelijc/ sijne(n) reengenote(n) en(de) den wynt(er) aert op iiii getijdege/ voe(re)n en(de) die also late(n) te sijne(n) asscheiden en(de) die storte/ voir den wynt(er) omgedaen en(de) iiii boend(er) brake(n) eens gheeyrt/ It(em) sal de voirs(creven) wyn alle de voirs(creven) goede(n) alle jae(re) den/ voirs(creven) t(er)mijn due(re)nde wel en(de) loflijc vermake(n) en(de) bevreedt/ laten also hijse vint It(em) is voirt vorwerde dat de voirs(creven)/ wyn den voirs(creven) t(er)mijn due(re)nde leve(re)n en(de) make(n) sal xxx/ mandelen walme(re)n o(m)me de huysinge mede te deckene/ En(de) als men die verdect so sal de voirs(creven) wyn den wercklide(n)/ den montcost geve(n) en(de) de voirs(creven) henric de dachue(re)n betale(n)/ En(de) des sijn borgen des voirs(creven) wynne als pncepael sculde(re)n/ ongesondert en(de) onv(er)scheide(n) en(de) elc voir al henric kympe/ henric van thiene(n) vranck donckerma(n)s en(de) jan koens alle/ van cortbeke ov(er)dile Et p(ri)m[(us)] lomb(ar)t abs(oloens) ap(ri)l(is) xi