Cond zij allen lieden dat de borg(er)meest(ere)n en(de) raet de stat / van loven(en) ij jeg(ewordicheit) der scepen(en) van loven(en) ghestaen hebben / gegeve(n) en(de) bekent dat zij gegeve(n) hebben inde(n) name ende / van wegen d(er) selv(er) stat arnde van vynckenbosch sine(n) erf / gename(n) en(de) nacomelingen een hofstat ghelegen buyten d(er) / proefstrate poerte tusschen de vesten der stat voirs(creven) en(de) de / goeden jans van moutbroec erflic te houden te hebben en(de) / te besitten ghelijc de voirs(creven) stat dat ald(air) ghehouden heeft / op vier oud(er) groten erfchijns en(de) rente(n) alle jae(re) te kersmisse / te betalen der voirs(creven) stat voirtaen erflic gheloven(de) de voirs(creven) / borg(er)meest(ere)n j en(de) raet inde(n) name vand(er) voirs(creven) stat den voirs(creven) / arnde hier af altoes genoech te doen wair hem yet ter neuwe / met des voirs(creven) is ghedaen wae(re) alsoe dat hem en(de) sine(n) naco / melingen vast en(de) zeker sijn moge hier wae(re)n ov(er) lombart / lye(mingh)[en] xx dage in meye int jair xiiii[c] xl /