Cond zij allen lieden dat jan vand(er) eect van libbeke in jeg(ewordicheit)/ d(er) scepen(en) van loven gestaen heeft genomen en(de) bekent dat/ hij genome(n) heeft jegen willem(me) vanden borchove(n) henrix/ soen was thof des voirs(creven) willems gelegen inde prochie/ va(n) libbeke t(er) stat geheten hortbeke met husen hoven/ wynnen(de) landen beemde(n) eeuselen en(de) allen sinen/ toebehoirten also verre de voirs(creven) jan vand(er) eect dat/ tot nu toe gehouden heeft Te houden en(de) te hebbe(n)/ va(n) halfm(er)te d lestleden eene(n) t(er)mijn va(n) vi jae(re)n lang/ elx jairs om xvii mudde rox d(er) mate(n) va(n) loven(e) goet/ en(de) paiabel ts(in)[te] andr(ies) misse apost(els) te bet(alen) en(de) te lov(en)/ te leve(re)n en(de) om xxii holl(ansche) gul(den) va(n) goude goet en(de)/ / ghinghe te s(in)[te] m(er)tens misse te betale(n) jairlix den voirs(creven)/ t(er)mijn due(re)nde en(de) telken t(er)mijne als v(er)volghde schout/ It(em) sal de voirs(creven) willem(me) hebben jairlix half doeft/ vanden bog(ar)den ald(aer) en(de) dat sal de wynne doen/ lesen en(de) te loven leve(re)n It(em) sal de voirs(creven) willem [wynne]/ jairlix leve(re)n iii[c] walme(re) en(de) alsmen die verdect/ sal de wy(n)ne den montcost gheven en(de) willem de/ dachue(re)n bet(alen) It(em) sal de wy(n)ne de husingen/ vanden hove houden in goeden state en(de) also/ laten vand(en) ond(er)st(er) rikelen nederw(er)t H(ier) af zijn borg(en)/ ind(ivisim) willem vand(er) eect en(de) matheeus kympe et/ p(ri)m(us) rike vynck(enbosch) maii xxix