SAL7335, Act: R°395.1-V°395.1 (417 of 451)
Search Act
previous | next
Act R°395.1-V°395.1  
Act

Transcription

2020-07-08 by kristiaan magnus
Tvonnisse vande(n) gedinge hangen(de) voir meye(r) en(de) scepen(en) van loven(e)/
tussche(n) janne h(ere)nheyns gehete(n) stamelairt goerde en(de) henricke stamelart/
sijn kijnde(re) in deen zijde henricke van hoelair en(de) woute(re)n den molde(re)/
sine(n) zwager die voir meye(r) en(de) scepen(en) van loven(e) gegoedt en(de) gheerft/
sijn die wae(re)n van katline(n) weduwe vranx wile(n) lyeminc en(de) magriete(n)/
weduwe henrix wilen catseurs in alle de goede die wae(re)n als arnts/
wile(n) molne(re)n ond(er) de banc van holsbeke gelege(n) in dande(re) alse vanden/
goede(n) h(ier) na bescreve(n) Te weten van ene(n) hove gehete(n) den zielmissehof/
gelegen te holsbeke tussche(n) de goede katline(n) lyeminx en(de) de gemeynstrate/
aldair It(em) van ene(n) huyse en(de) hove gelege(n) neve(n) den voirs(creven) hof tussche(n) de/
goede katline(n) custers en(de) de strate ald(aer) It(em) van ene(n) dachmael lants gelege(n)/
acht(er) de kercke ald(aer) tussche(n) de goede m(ar)griete(n) jannes en(de) dlant der kijnde(re)n/
arnts wile(n) smolders It(em) van ene(n) halve(n) boend(er) beems gelege(n) aen kerchov(en)/
velt tussche(n) de goede d(er) voirs(creven) kijnde(re)n en(de) de goede henrix van e(re)nboud(eghem)/
It(em) van drie vierdel beems gelege(n) op dynde vander langrode(n) tussche(n)/
de goede die wae(re)n jans wile(n) vande(n) eynde nu meest(er) thomaes van wynge/
en(de) den beent henrix wile(n) custe(re) It(em) van drie vierdel torfpoels op de/
zicht gelegen neest den torfpoele(n) wile(n) geerts vand(er) karme(re)n en(de) katline(n)/
smolders welke goede de voirs(creven) jan en(de) sijn soene(n) aensprake(n) seggen(de) dat/
een gehete(n) arnt de molde(re) getrudt hadde een vrouwe(n) p(er)soen gehete(n) katline/
vande(n) meesberge en(de) dat den voirs(creven) zielmissehof huys en(de) hof dair/
neve(n) gelegen drie vierdel beemts gelegen op deynde vand(er) langrode/
en(de) iii vierdel beemts op de torfpoele come(n) wae(re)n vanden stocke en(de)/
zijde(n) der voirs(creven) katline(n) En(de) alse vande(n) ande(re)n goede(n) bove(n) bescreve(n) dat die/
tussche(n) den voirs(creven) ghehuysche(n) gecrege(n) wae(re)n en(de) dat de voirs(creven) katline/
uutde(n) voirs(creven) goede(n) geheel starf als uut hue(re)n erve en(de) dat de voirs(creven)/
arnt de voirs(creven) stock goede mett(er) helicht vande(n) v(er)crege(n) goede(n) bleef/
houden(de) als een tochte(r) en(de) d(aer) uut starf als uut sijnre tocht Seggen(de)/
voirt de voirs(creven) jan en(de) sijn sone(n) dat zij jege(n) derfgename(n) d(er) voirscr(even)/
katline(n) de voirs(creven) stock goede en(de) dander gecocht en(de) gecrege(n) hadden/
met alle pointe(n) van rechte voir hof en(de) he(re) d(aer) die gelege(n) wae(re)n/
/ en(de) dat de voirs(creven) wile(n) vranck en(de) henric catseurs jege(n) de voirs(creven)/
v(er)crege(n) goede(n) uutgedeylt wae(re)n met ande(re)n goede(n) en(de) der wed(er)helicht/
vande(n) selve(n) de welke de voirs(creven) wout(er) en(de) henric al noch beseeten/
En(de) dat dese poente(n) wair wae(re)n bode(n) de voirs(creven) jan en(de) sijn zoene/
te thoene(n) met scepen(en) brieve(n) leve(n)der wairh(eit) en(de) altoes metten/
minste(n) inde(n) rechte te moge(n) volstaen alsoe v(er)re he(m) des noet/
wae(r) P(rese)nte(re)nde voirt oft recht v(er)mochte en(de) zij met des/
voirs(creven) es niet en volstonde(n) op de voirs(creven) goede te doen huer behoudt/
bij hen selve(n) en(de) tween wettige ma(n)ne(n) alsoe dat behoirt na/
den rechte Hopen(de) dair om dat zij inde voirs(creven) goede blive(n)/
soude(n) en(de) sculdich wae(re)n te blive(n) en(de) des geliefde hen wael/
trecht Op dwelc de voirs(creven) wout(er) en(de) henric met hue(re)r/
guedinge hen v(er)andworde(n) seggen(de) dat de voirs(creven) goede geheel/
tussche(n) den voirs(creven) wile(n) arnde en(de) katline(n) v(er)crege(n) wae(re)n en(de) dat/
hij der selv(er) goede te beco(m)me(re)n ten tide als hij dbeleit dair uut/
dat de voirs(creven) guedinge wae(r) gemaect mechtich was en(de) voirt dat/
de selve wile(n) arnt en(de) sijn wijf ene(n) wettige(n) soen hadde(n) die voir/
sijnre moed(er) aflivich wordt en(de) dat dat wair wae(r) bode(n) zij te/
thoene(n) en(de) mette(n) minste(n) (et)c(etera) hopen(de) mids dien vande(n) selven/
goede(n) in hue(re)r gued(inge) te blive(n) Op dwelc den scepen(en) gemaent/
wijsde(n) beyde(n) p(ar)tie(n) tot hue(re)n thonisse tot welke(n) dage de/
voirs(creven) jan en(de) sijn soene volquame met leve(n)der wairh(eit) en(de) scepen(en)/
brieve(n) alle tgheene des zij he(m) in hue(re)r aensprake(n) v(er)meten/
hadde(n) Ende de voirs(creven) henric en(de) wout(er) en thoende(n) niet and(er)s/
dan dat des voirs(creven) wile(n) arnts en(de) sijns wijfs wettich soen voir den/
selve(n) arnde aflivich werdt alsoe dat ten slote de scepen(en) voirs(creven)/
gemaent wijsden voir een vo(n)nisse na aensprake verandworde en(de)/
thonisse van beyder p(ar)tien dat de voirs(creven) henric en(de) wout(er) met/
hue(re)r guedinge(n) aen de voirs(creven) goede v(er)doelt wae(re)n P(rese)nt(ibus) pynnoc/
opp(endorp) rike abs(oloens) ov(er)wynge vynck(enbosch) wynge maii penult(ima)
ContributorsKarel Embrechts
Moderated byKarel Embrechts
Last update: 2013-04-18 by Inge Moris