Het sijn comen in rechte inde banc voir meye(r) en(de) scepen(en) van loven(en)/ gheert van houthem als momboir margriete(n) vander paelt docht(er) henrix/ wilen vander paelt sijns wijfs en(de) lijsbeth vander paelt weduwe stas/ wilen tribout zust(er) der voirs(creven) margriete(n) in deen zijde en(de) henric de plecke(re)/ die na den rechte der stad van loven(en) comen en(de) beleit es tot allen den goede(n)/ have en(de) erve jans vander paelt natuerlic soen des voirs(creven) wilen henrix in/ dande(re) alse van ix dachmael eeusels luttel min oft meer geheten den/ molendijck gelegen te haecht tusschen de goede h(ere)n everarts ts(er)claes/ en(de) de dile aldair dair af de voirs(creven) henric versochte in sine(n) beleyde/ ghehoude(n) te wezen dwelc gesciet spraken de voirs(creven) gheert en(de) lijsbet den/ voirs(creven) henricke aen seggen(de) dat de voirs(creven) wilen henric getrout hadde na staet/ der heilig(er) kercken een vrouwe(n) p(er)soen gehete(n) katline smeets die tsamen hadden/ twee wittige kijnde(re)n te weten margriete en(de) lijsbet voirg(enoemd) en(de) dat de voirs(creven)/ wilen henric na sijns wijfs doot de voirs(creven) goede vercregen hadde met onv(er)deild(er)/ have(n) en(de) dat [hij die beseten hadde over xxx xxxii jair en(de) dat] oec eer en(de) voe(r) de voirs(creven) jan geboe(re)n was en(de) dat dat wair/ wae(re) boden zij te thoene(n) en(de) metten minsten etc(etera) seggen(de) voirt dat der/ bancken recht wae(re) soe wa(n)neer e(n)nich man goede na sijns wijfs doot also/ met onv(er)deild(er) have(n) vercrege dat dan den wettige(n) kijnde(re)n van hen/ beide(n) bliven(de) deen helcht van dien goede(n) sculdich wae(re) te volgen na/ der voirs(creven) banc en(de) des hoers rechts seggen(de) voirt dat hij inde have/ onv(er)deilt geseten hadde op vi jair voerleden en(de) dese poente(n) boden/ zij te thoene(n) en(de) metten minsten hopen(de) soe wair sij dat gethoenen/ consten dat hen vande(n) voirs(creven) goede volgen soude oft dat zij dair af trecken/ souden eve(n)verre dat den scepen(en) geliefde inde(n) hof dair die gelegen/ sijn om ene(n)yegeliken te hebben(e) des van rechts wegen dair toe soude/ behoe(re)n en(de) des geliefde hen tvo(n)nis dair op de voirs(creven) henric antwerde/ dat hem die aensprake gheen onstade doen en soude en(de) dat de/ voirs(creven) gheert en(de) sijn medep(ar)tie des ne(m)m(er)meer thoene(n) en soude(n) want/ het waer waer dat de voirs(creven) jan en(de) katline sijn zuster tot den voirscr(even)/ goeden comen wae(re)n met alle poente(n) van rechte en(de) dat de selve/ jan die goede met sine(n) vader besat tot d(er)re tijt toe dat hij te huwelic
//
trac met katline(n) vande(n) velde sine(n) wive en(de) dat hij doen de voirscr(even)/ goede aenveerde en(de) te hemw(er)t trac en(de) oic zijd(er) beseten heeft als zijn/ p(ro)per erve en(de) oft geweest hadde dat de voirs(creven) jan en(de) zijn zuster na/ der voirs(creven) gued(inge) gestorve(n) hadde(n) sond(er) wettige gebuerte soude(n) de voirs(creven)/ goede gevolght hebben den he(re) van rotselair en(de) nyeman(ne) anders/ en(de) dat dese poente(n) wair wae(re)n boet de voirs(creven) henric te thoenen/ hopen(de) oft hijt gethoene(n) conste dat hij met sine(n) beleyde inde/ voirs(creven) goede(n) blive(n) soude sonder int hof gemoeyt te worde(n) ende/ des geliefde hem tvo(n)nisse De scepen(en) van loven(en) d(aer) op ghe/ maent wijsden beyde p(ar)tien tot hoe(re)n thonisse Ten dage van/ thoene(n) thoende(n) de voirs(creven) gheert en(de) lijsbet Inde(n) yerste(n) kende de/ voirs(creven) henric dat de voirs(creven) wilen henric vand(er) paelt getrout hadde/ katline(n) smeets en(de) dat hij dair af hadde twee wettige kijnde(re) te/ wete(n) m(ar)griete en(de) lijsbeth voirs(creven) dair af dat de voirs(creven) gheert te wive/ hadde m(ar)griete en(de) stas tribout lijsbeth Voert thoende(n) zij met/ twee goede ma(n)ne(n) dat de voirs(creven) wile(n) henric vand(er) paelt de/ voirs(creven) goede v(er)cregen hadde jege(n) henricke vande(n) hove ende/ m(ar)griete(n) sine(n) wive en(de) beseten eer de voirs(creven) jan geboe(re)n was des/ lede(n) wae(re) xxxii jair en(de) dat dat gesciede ten tide als de voirs(creven) wile(n)/ henric sat in sine(n) weduwe(n)stoele en(de) onv(er)deild(er) have(n) Thoende(n) voirt/ de voirs(creven) gheert en(de) lijsbeth met iiii scepen(en) van haeght dat de/ voirs(creven) wile(n) henric in onv(er)deild(er) have(n) gesete(n) hadde tot des lede(n) wae(re)/ v oft vi jair vorlede(n) droegen voirt de selve scepen(en) soe wa(n)neer/ yema(n)t also in onv(er)deild(er) have(n) goede crege dat dan deen helcht/ sculdich wae(re) te volgen sine(n) wettige(n) kijnde(re)n en(de) mett(er) ander helcht/ mocht de vercriger sine(n) wille doen en(de) dat hielde(n) zij voir recht/ tot datmen hen een bet(er) leerde Tuyghden voirt de selve dat/ deen helcht vande(n) voirs(creven) goede in onv(er)deild(er) have(n) v(er)cregen na/ hue(re)r banc recht sculdich wae(re) te volgen den wettige(n) kijnde(re)n/ Dair na begheerde de voirs(creven) henric inde(n) yerste(n) den tween
//
ma(n)nen die bove(n) getuyght hadde(n) gevraeght te hebben oft zij/ daer bij wae(re)n dair de voirs(creven) guedinge geciede en(de) wie dair/ toe qua(m) dair op droegh deen van hen dat hijt(er) bij en(de) aen/ was doen de voirs(creven) henric vande(n) hove en(de) m(ar)griete sijn wijf/ de voirs(creven) goede den he(re) inde hant droegh en(de) dand(er) seyde/ dat hijter niet af en wiste Hen voert gevraeght wie/ tot dier guedinge qua(m) droegen zij dat zij dair af niet/ en wisten dair na dede de voirs(creven) henric inde(n) rechte lesen/ ene(n) scepen(en) brief van haeght begripen(de) dat de voirs(creven) jan/ vand(er) paelt en(de) lijsbeth sijn zust(er) [op] de voirs(creven) goede(n) v(er)cregen/ hadde(n) iiii rijnsch(en) gulden(en) erflic d(aer) af de dat(um) begreep int/ jair van v..f? It(em) dair na noch ene(n) scepen(en) brief van haeght/ begripen(de) dat de voirs(creven) jan en(de) katline tot d(er) erflich(eit) vande(n)/ voirs(creven) goede(n) comen wae(re)n tuyghden voirt de vii scepen(en) van/ haeght dat de voirs(creven) brieve hue(re) scepen(en) brieve wae(re) en(de)/ dat die guedinge en(de) brieve gesciet wae(re)n met allen/ poente(n) van rechte na huers hoefs recht tuyghde(n) voert/ de selve scepen(en) hadde(n) de voirs(creven) jan en(de) sijn zust(er) sonder/ geboerte gestorve(n) dat de he(re) van rotselair die goede gehadt/ soude hebbe(n) Tuyghde(n) voirt de selve scepen(en) soude men tvoirs(creven)/ goet v(er)teert hebben dats jan en(de) katline voirs(creven) soude hebben/ moten drive(n) en(de) uutgaen Droegen voert twee vande(n) voirs(creven)/ scepen(en) dat des wilen henrix wettich kinde(re) met hue(re)n/ vad(er) v(er)enicht wae(re)n vand(er) have(n) bynne(n) iiii oft v jae(re)n Droege(n)/ voirt twee goede ma(n)ne(n) dat de voirs(creven) jan vand(er) paelt de/ voirs(creven) goede bij sijns vader tijde besat tot dat hij te huwelic/ trac en(de) dair na huerder de voirs(creven) henric jegen den voirs(creven)/ janne en(de) dat hijt zijd(er) besete(n) hadde [vacat] sine(n) vader/ als sijn wettich erve droege(n) voert de selve twee goede
//
ma(n)ne(n) dat de voirs(creven) jan des voirs(creven) goets mechtich was ten tijde/ als de brieve bekent wae(re)n Was gewijst met desen worden/ dat alsulken aensprake alse gheert van houthe(m) met/ sine(n) medeplichte(re)n gedaen hebben tot henricke de plecke(re)/ dat die den selve(n) henricke noch sine(n) beleyde gheen/ onstade doen en sal p(rese)nt(ibus) [vacat]
//