It(em) henrick de rademake(re) van honshem in jeg(ewordicheyden) der scepen(en) van lov(en) ghestaen/ heeft genome(n) en(de) bekent dat hij genome(n) heeft jeg(en) joffr(ouwe) marien weduwe/ielijs gielijs wile(n) uuyte(n) lyemi(n)ghe(n) thof der selver joffr(ouwe) marien ghelege(n)/ tot honshem met alle(n) sijne(n) toebehoirte(n) te houden en(de) hebbe(n) van/ sinte andries misse lest lede(n) ene(n) t(er)mijn van sesse jare(n) lanck deen/ na dander sonder myddel volgen(de) elx jaers daer in by(n)ne(n) voir en(de)/ om xxvii sacke corens der mate(n) van thiene(n) willenbrinsche pachts/ alle jae(re) sinte andries misse te betale(n)ne den voirscr(even) t(er)mijn duren(de)/ en(de) telke(n) t(er)mine als v(er)volgde schoute En(de) es vorwairde dat de/ voirscr(even) henrick betale(n) sal den last chijs en(de) last uuyte(n) voirscr(even) hove/ gaende ten tijde(n) als die verschine(n) sulle(n) uuytgenome(n) alsulke(n) chijs/ als die heilige gheest van lov(en) en(de) tcloester van p(er)ke daer aen heeft/ den welke(n) joffr(ouwe) marie voirscr(even) betale(n) sal It(em) es vorwarde
//
dat die joffr(ouwe) marie half dat hoe oeft op tvoirscr(even) goet wassende hebbe(n)/ sal dwelc henrick voirscr(even) huer tot lov(en) in hue(re)r woni(n)ghe(n) leve(re)n/ sal op sine(n) cost It(em) sal de voirscr(even) henrick jairlijx leve(re)n iii[c]/ walme goet en(de) cusbaer om de husinghe mede te decken(e) En(de)/ daer af sal die selve henrick den deckers oft ande(re)n werchliede(n)/ den montcost gheve(n) en(de) joffr(ouwe) marie voirscr(even) die dachuere(n)/ betale(n) It(em) sal die voirscr(even) henrick die voirscr(even) goede(n) wy(n)ne(n) en(de)/ werve(n) wael en(de) loffelijck ghelijck sijne(n) reyghenote(n) onder en(de) bove(n)/ en(de) die selve goede(n) mesten in behoirlike(n) tijde(n) lants meeste(n) p(ro)fite/ It(em) sal die voirscr(even) henrick die voirscr(even) goeden late(n) alsulke laten tot/ sine(n) afscheyde(n) ghelijck hij die vant tot sijne(n) aencome(n) abs(oloens)/ vynck(enbosch) junii xvii
//