It(em) want de drossete vande(n) lande van grymb(er)gen op heden met onsen/ brieve(n) ten v(er)volghe jans vande(n) kerchove die vand(er) vryheit es van/ sinte pet(er)s manscap van loven(e) inne bescreve(n) was om zeke(r) broecken/ wile die de selve drossate den voirs(creven) onsen sinte pet(er)s man opleggen(de)/ mocht sijn dair voe(r) hij den voirs(creven) janne onse(n) s(in)te pet(er)s man inde/ vroente te brueseghe(m) hadde doen setten Tot welke(n) dage de voirs(creven)/ drossate niet en qua(m) alsoe dat hem de voirs(creven) jan inde banc/ te loven(e) jegen den voirs(creven) drossate p(rese)nteerde cor(am) opp(endorp) rike/ abs(oloens) ov(er)wynge vynck(enbosch) wynge maii xxvii