Het zijn comen in rechte inde banc voir meye(r) en(de) scepen(en) van/ loven(en) jan ha(n)narde de jonge die met scepen(en) brieve(n) van loven(en)/ geleit es tot alle den goede(n) have en(de) erve stevens van marilez/ natuerlec en(de) marie(n) natuerlec docht(er) h(ere)n arnts van gescoul/ priest(er)s weduwe jacops wile(n) tiechelet nu t(er) tijt wijf des/ voirs(creven) steve(n)s in deen zijde en(de) anthonijs francke rentmeest(er) ons/ gened(ichs) he(re)n te mont saint wybert in dande(re) aldair de voirs(creven) jan/ ha(n)narde de voirs(creven) rentmeest(er) aensprac seggen(de) dat de voirs(creven) marie/ natuerlec docht(er) was des voirs(creven) arnts en(de) dat een huwelijc ghe/ tracteert en(de) gesciet wae(re) na staet d(er) heilig(er) kercke(n) tussche(n) den/ voirs(creven) wile(n) jacoppe en(de) marie(n) en(de) dat de voirs(creven) h(er) arnt in/ vorwerde(n) van huwelike sijnre voirs(creven) natuerliker docht(er) metten/ selve(n) jacoppe geloefde te geve(n) de so(m)me van iii[c] gulden pet(er)s/ te wete(n) hond(er)t d(aer) af den voirs(creven) ghehuyssche(n) in hande(n) te/ hebben en(de) t(er) stont taenveerde(n) om hen d(aer) mede te moge(n) have(n)/ en(de) comentscap te hante(re)n en(de) dand(er) tweehond(er)t dat die bekert/ soude(n) worde(n) in erfrente(n) die zij tsame(n) en(de) de lanxte leven(de)/ van hen besitten soude(n) en(de) na hen huer oer oft dat zij e(n)nige/ tsame(n) hadde(n) en(de) oft zij sond(er) geboirte van malcande(re)n achter/ te late(n) van des(er) werelt scien dat dan na de doot des lesten/ leven(de) de rente(n) dair mede gecocht sijnde wed(er) om comen/ soude(n) t(er) zijde(n) der voirs(creven) marie(n) d(aer) zij af come(n) wae(re) seggen(de)/ voirt dat de voirs(creven) jacop wile(n) en(de) sijn wijf na den voirs(creven) huwelic/ mette(n) voirs(creven) tweehond(er)t pet(er)s gecocht en(de) v(er)crege(n) hadden x mudde/ corens d(er) mate(n) van gemblours erfpachts t(er) quitinge(n) den t(er)mijn van/ iiii jae(re)n lang op zeke(re) goede en(de) eygen pande [de welke] toebehoe(re)nde(n) den/ janne mynchart man en(de) mo(m)boir jouffr(ouwe) marie(n) natuerlec docht(er)/ h(ere)n henrix van waelhain ridders en(de) hen in huweliker vorwerde(n)
//
gegeve(n) wae(re)n te hebben(e) op zeke(re) goede en(de) pande toebehoe(re)nde/ wilen henricke de marscalc van lerinez die nu hielt jan del/ forge en(de) dat de selve jacop die vernad(er)scapt hadde alse/ neeste leven(de) des voirs(creven) jan mynchart en(de) sijns wijfs aen goffart/ parent die de selve rente hadde v(er)crege(n) Opdoende voirt/ dat de voirs(creven) h(er) arnt mette(n) voirs(creven) ii[c] pet(er)s de voirs(creven) erfrente/ v(er)nueght hadde en(de) dat den tijt van quitinge(n) d(er) voirs(creven) renten/ lede(n) wae(re) welke pointe(n) de voirs(creven) jan boet te thoene(n) seggen(de)/ d(aer) om ten slote want de voirs(creven) jacop sond(er) wettige gebuerte af/ livich wae(re) en(de) de voirs(creven) marie sijn wijf den voirs(creven) steven getrudt/ hadde en(de) he de voirs(creven) rentmeest(er) tgelt vand(er) quitinge(n) der voirs(creven)/ rente(n) in hande(n) hadde en(de) dat dair gesetd was van h(ere)n henr(ix) / van waelhain voirs(creven) dwelc hij oic boet te thoene(n) dat hem/ en(de) sine(n) beleyde tgelt vande(n) afquite(n) der selv(er) rente(n) volgen/ soude en(de) dat de voirs(creven) rentmeest(er) hem dat soude opleggen/ oft hem geliefde des wail trecht Wair op de voirs(creven) rentm(eeste)r/ hem verandworde met alrehande worde tot sine(n) rechte/ dienen(de) seggen(de) ond(er) den ande(re)n dat de voirs(creven) h(er) henric in/ sine(n) hande(n) en(de) voir eygen genoete(n) gesetd hadde ene(n) guld(en) pe(n)ninc/ en(de) drie stuve(re) voir tquiten en(de) tvernaerde(re)n der voirs(creven) rente(n)/ p(rese)nte(re)nde soe wa(n)ner men hem voir den hof vande(n) voirs(creven) rente(n)/ behoirlike vestich(eit) dade dat hij tvolgelt dan uutleggen en(de)/ v(er)nuegen woude en(de) dat boet hij te bewisen Hopende/ want niet meer gelts in sine(n) hande(n) dan voirg(enoemd) es comen/ en wae(re) dat hij d(er) aensprake(n) soude ongehoude(n) wesen oft hem/ geliefde des wael een vo(n)nisse de scepen(en) gemaent wijsden/ beyde den p(ar)tie(n) tot hue(re)n thonisse Tot welken dage de
//
voirs(creven) jan ha(n)narde thoende met wettig(er) wairheit alle tgheene/ des hij in sijnre aensprake(n) verhaelt hadde uutgenome(n) dat/ de voirs(creven) rentmeest(er) tgelt voir dafquite(n) der voirs(creven) rente(n) in/ hande(n) soude hebbe(n) ghehadt en(de) desgelijx volqua(m) de/ voirs(creven) rentmeest(er) tgheene des hij hem v(er)mete(n) hadde/ alsoe dat de scepen(en) voirt gemaent wijsde(n) voir een/ vo(n)nisse na aensprake verandwerde(n) en(de) thonisse van/ beyden p(ar)tie(n) dat alsulke(n) aensprake alse de voirs(creven) jan/ met sine(n) beleyde tot den voirs(creven) rentmeest(er) vande(n) voirscr(even)/ gelde gedaen hadde dat die den rentmeest(er) voirs(creven)/ gheen onstade doen en soude p(rese)nt(ibus) pynnoc opp(endorp) rike/ abs(oloens) ov(er)wynge junii p(ri)ma
//