It(em) uut ... come(n) zijn voir den raede vander stat wille(m)/ uut(er) helicht soe(n) jans wijle(n) uut(er) helicht gehete(n) vanden elsbroec/ voir hem selve(n) als man ende mo(m)boir katline(n) wijle(n) tfleeshouw(er)s/ ende inde(n) name joncff(rouwe) machtelde(n) weduwe des voirs(creven) wijle(n)/ jans sijnre moeder des behoirlec mechtich in deen zijde/ laureys coels jan de vleeshouwe(re) met hue(re)n medeplichte(re)n/ alle erfgename(n) der voirs(creven) wijle(n) katline(n) in dande(re) aldair de/ voirs(creven) willem opdede dat de voirs(creven) wijle(n) sijn vader als den/ huwelec tussche(n) den voirs(creven) willem(me) ende katline(n) gescien/ soude verleyde de so(m)me van iii[c] pet(er)s of dair omtrent die/ bekeert worde(n) inde scoude(n) ende laste(n) die de voirs(creven) katline op/ huer hadde en(de) dat d(aer) na den voirs(creven) huwelec bij co(n)sente/ van vriende(n) in beide(n) zijde(n) gemaect werdt in alsulker/ vuege(n) oft gebuerde dat de voirs(creven) katline voirde(n) voirs(creven) wil(he)lm/ sond(er) wettich oir bliven(de) aflivich worde dat dan de voirs(creven)/ willem tot zijnre tocht hebben soude de helicht van alle(n)/ de erfgoede(n) die der voirs(creven) katline(n) doen toebehoirde(n)/ ende dat de voirs(creven) katline eer sij aflivich wert den/ voirs(creven) janne wijle(n) na testeme(n)t bekinde dat [hij] alle de goede/ nae huer bliven(de) behoude(n) soude en(de) tdere gebruycke(n) tot/ hij vand(er) voirs(creven) so(m)me(n) van iii[c] pet(er)s vernuecht soude wese(n)/ welke punte(n) zij p(rese)nteerde(n) te bewijse(n) badt d(aer) o(m)me en(de)/ versochte want tregeme(n)t vande(n) voirs(creven) goede(n) altijt gestaen/ hadde en(de) geweest inder stat hande(n) dat hem de voirs(creven)/ goede(n) ind(er) mate(n) als bove(n) volgen mochte(n) of d(aer) af te hebben(e)/ de so(m)me voirg(enoemt) Dair op te voirs(creven) erfgename(n) antw(er)den/ ende dede seggen dat de voirs(creven) wijlen jan de voirs(creven) so(m)me/ gelts verleecht hadde en(de) betaelt in alsulker manie(re)n/ dat hij d(aer) af niet wed(er) hebbe(n) en soude dwelc sij oec boeden/ te thone(n) seyde(n) voirts met div(er)sen reden(en) dat de voirs(creven)/ wijle(n) katline gheen maecht en hadde in cont(ra)rien vand(er)/ huwerlijker vorworde(n) tvoirs(creven) testeme(n)t te make(ne)n hoepte(n)/ d(aer) om dat zij vand(er) voirs(creven) so(m)me(n) ongehoude(n) soude(n) sijn ende/ dat de helicht vande(n) goede(n) der voirs(creven) katline(n) volgen soude/ na inhebben d(er) huwelijker vorwerden en(de) d(er) natuere(n) vand(er)/ bancke(n) rechte dair die sijn gelege(n) Soe eest dat de
//
raet vander stat hier op getuge(n) in beide(n) zijde(n) heeft ...t?/ die eendrachtelijc accorderen(de) gedrage(n) hebbe(n) dat ind(er) voirs(creven) huwelik(er)/ vorw(er)den opgedaen werdt en(de) gevorwert dat de voirs(creven) willem/ oft sijns wijfs gebrake sond(er) oir te hebben(e) niet meer tot zijnre/ tocht hebben en soude na den lantrechte dan de helicht van/ alle(n) hue(re)n voirs(creven) erfgoede(n) desgelijx en(de) soude oec de voirs(creven)/ katline of huers mans gebrake niet meer hebbe(n) tot hoer(en)/ tocht dan de helcht vande(n) goede(n) die de voirs(creven) wijlen den/ voirs(creven) voirs(creven) wille(m)me te huwelijke(n) gaf Tuychde(n) voirt/ wettige ma(n)ne dat zij d(aer) bij ende aen wae(re)n alsme(n) vanden hu/ welijke(n) spreke(n) soude de voirs(creven) wijle(n) jan op hem nam en(de)/ toeseyde te verlegge(ne)n de voirs(creven) iii[c] pet(er)s en(de) dat doen van/ gheenre restitucie(n) v(er)maendt en werdt ende dat die(re)n teynde(n)/ de(re)n voirs(creven) huwelijc ind(er) voirs(creven) mate(n) toeghinc ende heeft/ dae(re)n teynde(n) in hue(re)n vollen rade get(er)mineert voir reden(en)/ en(de) recht dat de voirs(creven) wille(m) uut(er) helicht tot zijnre tocht/ volge(n) sal de helcht van alle der erflijch(ei)t d(er) voirs(creven) katline(n)/ en(de) dand(er) helcht den erfgename(n) der voirs(creven) katline(n) behoudelic/ dat testament dat de voirs(creven) wijle(n) katline den voirs(creven)/ wijlen janne gemaect mach hebbe(n) vand(er) restitucie(n) oft/ rechtinge(n) der iii[c] pet(er)s voirs(creven) dat dat de voirs(creven) stat in/ sijnre macht laett gaen d(aer) dat behoirt p(rese)nt(ibus) pynnoc et/ vynck(enbosch) borgim(a)g(ist)ris et scabinis necno(n) aliis de consilio j(unii)/ xxviii anno xl
//