It(em) frankar piercelle wonen(de) te cockroul alse ov(er)man gekoe(re)n en(de)/ genomen van jaq(ue)mine mynchart henricke tainguinsart mathize van/ rous en(de) janne colijn segge(re)n en(de) muntlijc effene(re)n gecoe(re)n van/ gielarde co(n)negon en(de) beat(ri)se weduwe symoens wilen spoiron/ op alle alsulken twiste alse de voirs(creven) gielart en(de) beatrijs tegen/ malcande(re)n utstaende hadden spruyten(de) vande(n) goede(n) des voirscr(even)/ gielarts die de voirs(creven) wile(n) symoen en(de) beatrijs in pechtinge/ gehoude(n) heeft dair af zij voir scepen(en) van loven(en) behoirlic/ geco(m)p(ro)mitteert sijn es comen in yeg(ewordicheyden) der scepen(en) van loven(en)/ en(de) heeft bynne(n) den tijde vander voirs(creven) submissien sijn utsprake op/ de voirs(creven) gescillen gedaen tusschen de voirs(creven) p(ar)tien ind(er) manie(re)n alse/ hier na volght Inden yersten sal den voirs(creven) gielarde/ volgen alsulken viii molevate corens mudde corens x mol(evate) min/ alse gedorsschen liggen int huys gheerts vand(er) poirten gecomen/ vande(n) goede(n) der voirs(creven) pechtingen It(em) es noch sijn seggen/ dat den selven gielarde oic volgen selen alle alsulken coe(re)n haver/ en(de) tstroe alse noch sijn inde(n) hove [schue(re) die] des voirs(creven) gielarts [gehuert heeft toebehoe(re)nde reyne(re)n pensmal] en(de) dat/ voir alsulken so(m)men van corne [gebreken] alse de selve weduwe totten selven [voirs(creven)]/ gielarde [tot op den tijt van nu] belanc mach wezen It(em) es noch sijn seggen/ eve(n)v(er)re de voirs(creven) weduwe den voirs(creven) gielarde goede borchtocht/ en(de) vesticheit doet vand(er) voirs(creven) pechtinge en(de) oic van tgheene/ des inder schue(re)n es voirs(creven) contenteert dat zij dan de selve/ pechtinge sal behouden den d tijt due(re)nde dat de voirs(creven)/symoen [beatrijs] die hadde genomen jairlijx o(m)me alsulken so(m)men/ alse tselve innemen begrepen heeft ende oft zij des niet/ en dade sal de voirs(creven) gielart sijn hande aen de voirs(creven) goede/ selve slaen en(de) dier gebruycken En(de) mids des(en) utspraken sele(n)/ de voirs(creven) p(ar)tien volcomentlic gesleten sijn en(de) betalen half ende/ half alsulken coste alse beyden zijden tvoirs(creven) gescille staende biden/ voirs(creven) segge(re)n en(de) and(er)ssins gedaen sijn roel(ants) pryke(re) decembr(is)/ penult(ima)
//