Item marie weduwe jans wilen hoens van bielge nu t(er) tijt wonen(de) te heymbreniez/ es come(n) in jeg(ewordicheyden) d(er) scepen(en) van loeven(en) en(de) heeft genome(n) en(de) bekint dat zij/ genome(n) heeft van jacoppen de glymez van opgeldenake thof des selfs jacops/ te heybreniez gelege(n) mette(n) huyse(n) hove(n) bogarde(n) wynnen(de) lande(n) beemden/ eeusselen en(de) alle sijne(n) toebeh(oirten) alsoe v(er)re de voirs(creven) wile(n) jan en(de) marie/ dat voir maels genome(n) en(de) tot noch toe gehoude(n) hebbe(n) te houde(n)/ en(de) te wynne(n) van half m(er)te naestcomen(de) eene(n) t(er)mijn van ix jare(n) lang deen/ na dander sond(er) middel volgen(de) elx jaers dae(re)nbinne(n) om xxxviii mudden/ hartscore(n)s de pachts en(de) mate(n) van geldenake(n) wel bereit alle jare te/ s(en)te andriesmisse apostels te bet(alen) en(de) te heybreniez int voirs(creven) hof/ te leveren(e) alle jare den voirs(creven) t(er)mijn duren(de) q(u)[o]l(ibet) ass(ecutu)[m] It(em) es vorw(er)de dat/ de voirs(creven) marie ten eynde vande(n) voirs(creven) t(er)mijne den la aert vanden/ voirs(creven) lande die nu t(er)tijt besaeyt es te huere(n) afscheyen(e) op sijn/ getidege vore(n) met wint(er)coren(en) besayt late(n) gelijc sijt [die] te huere(n) incomen(e)/ vynde(n) sal te wete(n) vii boender op iii vore(n) ende dander lande op/ drie vore(n) It(em) es vorw(er)de dat de voirs(creven) wynnerse alle tstroe vande(n)/ voirs(creven) goede comen(de) jaerlijcx int hof ette(n) ende te meste make(n) sal en(de)/ dat op dlant vuere(n) tslants meeste(n) p(ro)ffite It(em) sal de voirs(creven) wy(n)nerse/ jaerlijcx levere(n) iiii[c] walme(n) en(de) die int hof op huere(n) coste/ en(de) jacops dachhuere(n) doen verdecke(n) daers meest behoeft It(em) sal de / voirs(creven) wy(n)nerse en(de) jacop van malcandere(n) moge(n) sceyde(n) ten yerste(n)/ drie jaren op alsoe dat de ghene die dan sceyden wilt dat den/ andere(n) een half jaer te vore(n) sal condige(n) It(em) sal de voirs(creven) wy(n)nerse/ de huysinge houde(n) vander onderster rikele(n) nederw(er)t It(em) sal de/ voirs(creven) marie huer beeste(n) inde(n) bosch des voirs(creven) jacops moge(n) weyen also/ zij tot heertoe gedaen heeft sond(er) den voirs(creven) jacoppe(n) aen sijn jonc/ houdt te scadige(n) It(em) sal de voirs(creven) marie den wijng(ar)t des voirs(creven) jacops
//
loflijc doen wercken des sal sij hebbe(n) de tweede deel vande(n) wijne/ die d(aer) op wassen sal en(de) de voirs(creven) jacop tderdendeel En(de) alle dese/ vorw(er)den hebben geloeft etc(etera) En(de) de voirs(creven) marie heeft geloeft willem(me)/ hoedens huere(n) sone hier te vervane dat hij ter manisse(n) des voirs(creven)/ jacops dese voirs(creven) voirw(er)den in deser selver maniere(n) gelove(n) sal/ lynt(re) iu(n)ior pryke(re) januarii xxiii
//