It(em) wout(er) en(de) jan stekeldoe(re)n gebruede(re)n in jegewordicheit der scepen(en) van loven(en)/ ghestaen hebben genomen en(de) bekent dat zij genome(n) hebben van he(re)n/ lodewijcke pynnoc ridde(re) nu t(er) tijt borg(er)meest(er) te loven(en) thof des/ selfs h(ere)n lodewijx geheten te moriarsart mette(n) huysen hove(n) wy(n)nen(de)/ en(de) allen ande(re)n sine(n) toebehoirte(n) te houde(n) te hebben en(de) te wynnen/ van half meye neestcomen(de) ene(n) t(er)mijn van xii jae(re)n lang deen/ na dander sonder middel volgen(de) elx jaers dae(re)n bynne(n) o(m)me/ de helicht van alle den corne en(de) vruchten op de voirs(creven) goede/ jairlix wassende op alsoe dat toeghst alst coren oft de vruchten/ tijtverrich sijn de voirs(creven) wynne(n) die selen doen afdoen en(de) inden banc/ leve(re)n en(de) dan selense de voirs(creven) h(er) lodewijc oft sijn knapen en(de) de/ wynnen deylen half en(de) half die alsoe ghedeylt sijnde selen/ de voirs(creven) wynne(n) h(ere)n lodewijx helcht vor laden inde schue(re)/ vue(re)n en(de) ontladen en(de) leggen dairt men hem bewisen sal It(em) selen/ de voirs(creven) wynne(n) jairlix hebben omtrent vi dachmael beempts den/ voirs(creven) hove toebehoe(re)nde sond(er) yet d(aer) af te gheven(e) It(em) selen de voirs(creven)/ wynnen jairlix hebben ene(n) hof gelegen acht(er) de voirs(creven) woni(n)ge en(de)/ dair op saeyen des hen gelieven sal sond(er) he(re)n lodewijcke e(n)nich recht/ oft deel dair inne te hebben en(de) desgelijx ene(n) hof gelegen/ acht(er) de oude schue(re) behoudelijc dien dat zij die niet meer/ mesten en selen dan alsoe vele als zij dande(re) lande meste(n) sele(n) [moten] It(em)/ es vorwerde dat de voirs(creven) wynne(n) de voirs(creven) lande wel en(de) loflijc/ wynnen en(de) werven ende te behoirlike(n) tijden mesten alsoe wale de vurste/ alse de neeste en(de) dat dairt hen de voirs(creven) h(er) lodewijc sal bewisen/ oft doen bewisen en(de) de voirs(creven) lande besaeyet late(n) te hue(re)n afsceyde(n)/ gelijc zij die vynden sele(n) tot hue(re)n aencomen dats te weten den/ wynter aert besaeyet op vier getidegen voe(re)n den somer aert te/ weten de gherste op drie getidegen voe(re)n en(de) de even(en) op twee/ voe(re)n en(de) de brake o(m)gedaen op een voe(r) It(em) selen de voirs(creven) wy(n)nen/ den voirs(creven) t(er)mijn due(re)nde [jairlix] opt voirs(creven) hof moten houden twee/ hond(er)t scape en(de) niet min It(em) alse de voirs(creven) h(er) lodewijc sijn/ helicht van sine(n) corne en(de) vruchten doet dersschen sal hij sijne(n)/ derssche(re)n de dachue(re)n betale(n) en(de) de voirs(creven) wynne(n) sele(n) den mont/ cost geve(n) en(de) dies selen sij hebben caf en(de) crintsen en(de) alst
//
ghedorsschen sal sijn selen de voirs(creven) wynne(n) dwynt(er)coe(re)n en(de) ander greyn/ van he(re)n lodewijx helcht comen(de) vue(re)n te nyvelle oft int hof/ te sart dairt den voirs(creven) he(re)n lodewijcke best genuege(n) sal/ It(em) selen de voirs(creven) wynne(n) jairlix int voirs(creven) hof leve(re)n v[c] walme(n)/ den voirs(creven) t(er)mijn due(re)nde o(m)me de huysinge vande(n) voirs(creven) hove/ mede [te] decken en(de) alsmen die v(er)dect oft aen de huyse van ouden/ wercke plect selen de voirs(creven) wynnen de wercliede den mont/ cost geven en(de) h(er) lodewijc sal de dachue(re)n betale(n) en(de) h(er) lodewijc/ sal den voirs(creven) wynnen de voirs(creven) huysinge gedect en(de) geplect/ leve(re)n d(aer) o(m)me eest vorw(er)de dat de wynnen sele(n) de wande/ vand(er) ond(er)ster rykelen ned(er)w(er)t wel en(de) loflic houde(n) op hue(re)n/ cost en(de) dachue(re)n It(em) selen de voirs(creven) wynnen den voirs(creven) he(re)n lod(ewijc)/ den voirs(creven) t(er)mijn due(re)nde houden en(de) h den wynt(er) en(de) somer vi stucke(n)/ hoe(re)nveets en(de) vier vercken gelijc den hue(re)n It(em) selen de voirs(creven)/ wynnen opt goet mogen houden te behoirliken tiden houdt de?/ voirs(creven) goede mede te bevreden en(de) desgelijx hue(re) bringen/ t(er) minste(n) scaden d(aer) men hen bewisen sal It(em) sele(n) de voirs(creven)/ wynnen ten eynde vanden sesse jae(re)n vande(n) voirs(creven) goede moge(n)/ sceyden op dat zij willen bij alsoe dat zijt den voirs(creven) he(re)n/ lodewijcke een jaer te voe(re)n selen seggen en(de) desgelijx/ mach h(er) lodewijc oec doen op dat hijt hen een jae(re)/ te voe(re)n seght It(em) es vorw(er)de dat de voirs(creven) h(er) lod(ewijc) den/ voirs(creven) wynnen ten ingaen van hue(re)n t(er)mine levere(n) sal xx guld(en)/ pet(er)s o(m)me beeste mede te copen(e) dair af selen de voirs(creven) wynnen/ wed(er)geve(n) den voirs(creven) he(re)n lodewijcke van half meye neest/ comen(de) over een jair vi pet(er)s en(de) alsoe dander twee jair/ d(aer) neestvolgende alle jair vii pet(er)s en(de) telken t(er)mine alse/ v(er)volghde schout It(em) es vorw(er)de dat de voirs(creven) wynne(n) alle/ doeft op de voirs(creven) goede jairlijx wassende hebben selen/ sond(er) he(re)n lodewijcke e(n)nich recht oft gedeelte d(aer) inne te/ hebben It(em) selen de voirs(creven) wynne(n) den voirs(creven) he(re)n lodewijcke/ jairlijx den voirs(creven) t(er)mijn due(re)nde geve(n) xxiiii lib(ra) bote(re)n It(em)/ sele(n) de voirs(creven) wynne(n) alle stroe vande(n) voirs(creven) goede comen(de)
//
int voirs(creven) hof bringen en(de) ald(aer) etten en(de) te meste make(n) en(de) dmest/ d(aer) af comen(de) op voirs(creven) lant vue(re)n slants meesten p(ro)fijte ende/ ten lesten jae(re) dmest int voirs(creven) hof wezen(de) opt lant vue(re)n ende/ de messie alse gheruympt laten tot ons(er) vrouwe(n) liechtmisse/ toe It(em) es vorw(er)de oft den voirs(creven) he(re)n lod(ewijcke) geliefde vae(re)n/ te doen snyden oft heyde te mayen dair [af] selen de voirs(creven) wynnen/ den wercliede den cost geve(n) en(de) h(er) lodewijc sal de dachue(re)n/ betalen en(de) dat int voirs(creven) hof halen o(m)me te meste te make(n)/ It(em) es vorw(er)de dat de voirs(creven) wynne(n) tvoirs(creven) hof van hue(re)n hant/ nyeman(t) en selen mogen uutgeven het en zij dat h(er) lodewijc/ dat consente(re) It(em) sal de voirs(creven) h(er) lodewijc ten lesten jae(re)/ vande(n) voirs(creven) t(er)mine ene(n) saye(re) mogen setten o(m)me de voirs(creven) lande/ te besayen en(de) des selen de voirs(creven) wynnen den saye(re) den montcost/ geve(n) en(de) h(er) lod(ewijc) sal de dachue(re)n betalen En(de) alle de/ vorw(er)den condicien en(de) ghelufte(n) hebben geloeft den voirs(creven) p(ar)tien/ etc(etera) roel(ants) lynt(ere) iu(n)ior januar(ii) iiii[ta]
//