It(em)? mathijs van broechen wonen(de) inden zwane te ghempe in/ jeg(ewordicheyden) der scepen(en) van loven(en) gestaen heeft ghehuert ende/ bekent dat hij gehuert heeft jege(n) he(re)n woute(re)n van/ hugarde(n) proefst cloest(er)s van ghempe twee stucke(n) eeusels/ toebehoe(re)nde den voirs(creven) cloeste(re) gelege(n) acht(er) de h(er)berge ghe/ hete(n) den zwane voirs(creven) te houde(n) en(de) te hebbe(n) van/ halfm(er)te lestlede(n) ene(n) t(er)mijn van vi jae(re)n lang deen na/ dand(er) sond(er) middel volgen(de) elx jaers dae(re)n bynne(n) om/ x gulden(en) te wete(n) xvi stuvers voir elke(n) gulde(n) gerekent/ sente m(er)tensmisse ind(er) wynt(er) te betale(n) alle jae(re) den voirscr(even)/ t(er)mine due(re)nde en(de) telke(n) t(er)mine als vervolghde schout/ It(em) es vorwerde dat de voirs(creven) mathijs den molne(re) die inde(n)/ molen(en) ald(aer) wonechtich es oft h(ier) namaels wone(n) sal een/ eynde vande(n) voirs(creven) eeusele(n) late(n) sal gelikerwijs dat uut/ ghesplete(n) en(de) uutghegrave(n) es tot ene(n) waermoeshoefken/ Ende oic sele(n) de visschers hebbe(n) en(de) moge(n) orbe(re)n tsavoir/ staende inde voirs(creven) eeusele(n) tot hue(re)n p(ro)fijte en(de) een hutte/ ald(aer) sette(n) tot alle(n) tide(n) alsme(n) den wuwe(re) vissche(n) sal en(de)/ niet lang(er) pynnoc vynck junii xxvi
//