It(em) het es een deylinge gesciet ende gemaect tusschen wille(m)me tailgesier/ in deen zijde en(de) wille(m)me van walsberge in dande(re) alse vander geheelder/ woningen en(de) goeden boven bescreve(n) Soe sijn den voirs(creven) willem(me) tailgesier/ gevallen en(de) gebleve(n) vanden voirs(creven) goeden de oude sale mette(n) huysen/ metter doe(re)n voe(r) en(de) achter onder den solde(r) die willem van walsb(er)ge/ in deylinge gebleven es en(de) metter schue(re)n gelijc die ond(er)slagen es te/ jacops blanckart w(er)t die scaellie mette(n) gestijpten tusscen beide staende/ oic ter zijden w(er)t des voirs(creven) jacops metten wijngarde wynhove acht(er)/ de voirs(creven) schue(r) staende alsoe dat met zeke(re)n palen en(de) tekene bepaelt/ es en(de) een huysken gelegen ten eynde vande(n) voirs(creven) hove op de voe(r)/ neve(n) de porte jacops blancart te wete(n) doverste huysken staende/ ten heyligen cruys w(er)t met iiii voeten weeghs op doverste eynde/ vanden hove willems van walsberghe aen jacops blanckaert traelgen/ o(m)me te gaen en(de) te ke(re)n tot int voirs(creven) huysken bij alsoe dat de/ voirs(creven) willem taelgeseer den vrede vande(n) [voirs(creven)] gestijpte en(de) iiii voete weeghs/ houden sal tot ewighen daghen in goeden state It(em) sijn den voirs(creven) willem(me)/ van walsberge gevallen en(de) gebleve(n) in sijn deylinge vande(n) voirs(creven)/ goede(n) de nuwe huyse ter voe(re)n w(er)t van aen de twee doe(re)n voe(r)/ en(de) acht(er) mette(n) bachuyse en(de) schue(re)n gelijc die ond(er)slagen es mette(n)/ solde(r) bove(n) de voirs(creven) twee doe(re)n tot der ouder salen toe voirs(creven) met/ den wijngarde wynhove ter voe(re)n w(er)t gelegen en(de) mette(n) ned(er)sten/ huysken gelegen ter biest kercken w(er)t gelijc de voirs(creven) geheel goede/ gelegen sijn opten biest plain tusschen de goede jacobs blancarts ende/ dieric ferijs gaende acht(er)w(er)t met ii huyskens tot op de voe(r) Met/ alsuker condicien en(de) vorw(er)den dat de voirs(creven) willem tailseer ende/ willem van walsberge de co(m)mer en(de) lasten uut den voirs(creven) geheelen/ goeden jairlijx gaende betalen selen Te wete(n) de voirs(creven) willem/ tailseer xv halste(re)n tarwen d(er) mate(n) van loven(e) erfpachts derdalve(n)/ cap(uyn) en(de) x d(enieren) outsijns en(de) de voirs(creven) wille(m) van walsberghe ix halste(re)n/ tarwen pacht en(de) mate voirs(creven) ond(er)halve(n) cap(uyn) vi d(enieren) outsijs alsoe/ in tijts dat gheen van hen in tiden toecomen(de) mids gebreke der betalinge(n)/ vande(n) voirs(creven) tsijse aen sijn gedeelte niet gepraemt noch geschedicht/ en worde En(de) oft me(n) bevonde dat meer tsijs uut den voirs(creven) goede/ ghinge dan voe(r) genoemt steet soe es ond(er)sproken dat elc vande(n)/ voirs(creven) p(ar)tien dair af den last dragen sal na de gelande dat hij/ goet heeft Hanc quo(que) (et)c(etera) P(ro)mitten(tes) sat(is)face(re) cor(am) eisdem

Scriptu(m) est/ p(ro) will(el)mo/ de walsberge