It(em) es vorwerde dat de voirs(creven) jan yngels de jonge hem mette(n)/ voirs(creven) brieve alst hem gelieft sal moegen doen beleiden tot/ allen sijns vaders goede te dien eynde dat hij dair mede/ ter stont aenvede aenveerden sal en(de) sond(er) yemans wedersegge(n)/ te hemw(er)t trecken erflic drie vierdeel wynnens lants gelege(n)/ op trotselair velt dwelc de voirs(creven) jan de vader v(er)creegh/ tegen woute(re)n hoelarts en(de) desgelijx na de doot des voirs(creven)/ jans alle instrume(n)ten hoe danich die zijn tot den ty(m)mer/ ambachten behoe(re)nde en(de) des gelijcx de wapene oft hernasch/ die de voirs(creven) jan heeft en(de) nae hem laten sal cor(am) eisdem