Item wij oppendorp willem(air) scepen(en) van loven(en) doen cont eenen yegheliken dat/ voe(r) ons comen sijn jacop van glimez van opgeldenake ende mathijs mathir/ van gheete alse segge(re)n gecoren en(de) genomen van willem(me) van glimez des voirs(creven)/ jacops brueder jan mailquar en(de) stas vander rous alse effene(re)n genomen en(de)/ ghecoren van henricke vander haghen op en(de) van alsulken gescillen alse de voirs(creven)/ p(ar)tien teghen malcande(re)n uutstaende hadden hoe danich die moghen sijn tot den/ daghe toe van heden oerspronc nemende o(m)me der goede wille des voirs(creven) willems/ tot offuys gelegen die de voirs(creven) henric in pechtinghen ghehouden heeft dair uut/ de selve henric ghetogen is en(de) sijn leste jaer vander selver pechtinghen bij co(n)sente/ des selfs willems ghemaect heeft en(de) hebben hue(re) uutsprake en(de) sentencie arbitrael/ na dat de voirs(creven) p(ar)tien hen voe(r) scepen(en) van loven(en) behoerlic ghesubmitteert/ hebben gedaen inder manie(re)n hier na volgende Item inden yersten dat de voirs(creven)/ henric den voirs(creven) willem(me) betalen sal tusschen dit en(de) half vasten(en) naestcomen(de)/ xxii pet(er)s tstuc te xviii stuv(er)s Item dat de selve henric come(n) sal bynnen/ den selven tijde met goeden redeliken borghen voe(r) scepen(en) van loven(en) geloven(de)/ den voirs(creven) willem(me) xliiii pet(er)s ind(er) weerden als bove(n) een half mudde boenen en(de)/ twee dosinen raepsaets te betalen(e) op sinte lambrechts dach naestcomen(de) ende myds
//
desen selen de voirs(creven) p(ar)tien van allen saken gheslicht en(de) verenicht sijn sonder/ eenich aensprake(n) deen opden ande(re)n te moghen hebben uutgescheiden dat de/ voirs(creven) willem(me) op sijn beloep van rechte sal bliven staende van alsulken/ lii rijd(er)s alse de voirs(creven) henric en(de) jan robbeert van ramelliez hem belanc/ moghen wesen ende desgelijcx van alsulken iiii boende(re)n vruchten gewassen/ tot offus die de voirs(creven) willem den voirs(creven) henricke met den ande(re)n li momboe(re)n/ van sijne(n) wive eyschende is Voert meer is hue(re) segghen soe wanneer/ de voirs(creven) henric vande(n) voirg(enoemde) xliiii pet(er)s en(de) (½) mudde bonen twee dosijne(n)/ raepsaets vesticheit gedaen sal hebben dat dan de voirs(creven) schout brief die/ de voirs(creven) henric den momboe(re)n vanden wive des voirs(creven) willems bekent/ heeft voe(r) scepen(en) van loven(en) te nyeute gedaen en(de) ghea(n)nichileert sal werde(n)/ promitten(tes) ratu(m) m(ar)tii xii/