It(em) jan lonijs vullen weve(re) heeft geconsenteert en(de) gewillecoert voer hem/ sine(n) erve(n) en(de) nacomelingen goerde meyne(n) sine(n) erve(n) en(de) nacomelingen/ dat de selve goert ty(m)me(re)n en(de) maken sal mogen een ghevel want van/ nuws op staende half op derve des voirs(creven) jans en(de) half op derve des/ voirs(creven) goerts en(de) soe wa(n)ner de selve want oft ghevel al volmaect/ sal wezen op cost des voirg(enoemde) goerts soe sele(n) de voirs(creven) p(ar)tien de voirs(creven)/ want alsdan voirtaen houden tot ewigen dagen te geliken costen in goede(n)/ state en(de) die alsoe te samen gebruycken En(de) oft gebuerde dat de/ voirs(creven) jan lonijs sijn huys staende ter aen de voirs(creven) want in tiden/ toecomen(de) afdoen woude dat dan den voirs(creven) ghevel oft want volgen/ en(de) toebehoe(re)n soude den voirs(creven) goerde en(de) sine(n) erfgename(n) tot ewige(n)/ dagen en(de) desgelijx oft de voirs(creven) goert sijn huys ter voirs(creven) want/ w(er)t aen oic afdoen woude dat dan de voirs(creven) want oft ghevel/ volgen sal en(de) toebehoe(re)n den voirs(creven) janne lonijs sond(er) yemants/ wed(er)seggen Item sal oic de voirs(creven) jan lonijs dwater comen(de) vanden/ huyse des selfs goerts leyden van sine(n) dake voe(r) t(er) straten w(er)t uut/ en(de) de voirs(creven) goert mach den ghevel oft want gaende bove(n)/ den huyse des voirs(creven) jans mogen w vee(re)n op sine(n) cost oft/ hem gelieft P(ro)mitt(ens) rat(um) opp(endorp) vynck(enbosch) maii xi/