It(em) merten vanden bere van libbeke in jeg(ewordicheyden) der scepen(en) van loven(en) gestaen/ heeft genome(n) en(de) bekent dat hij genome(n) heeft van he(re)n woute(re)n/ van hug(ar)den profst scloest(er)s van gempe de lande hier nae gescr(even)/ toebehoe(re)nde d(er) penetancerie(n) des clost(er)s voirs(creven) gelegen inde/ p(ro)chie van wynge in diversen stucken en(de) plaetsen gelijc/ ghijsbrecht de conync die in voirleden(en) tijden te houde(n) plach/ te houden(e) te hebben(e) en(de) te wynne(n) van half meye lestlede(n)/ ene(n) t(er)mijn van vi jae(re)n langk deen nae dande(re) sonder middel/ volgen(de) elx jairs dae(re)n bynne(n) om en(de) voir xxi halste(re)n rogs/ goet en(de) payabel der mate(n) van loven(en) tsinte andries misse/ appostels te betale(n) den voirg(enoemde) en(de) int voirs(creven) cloest(er) te leve(re)n/ den voirg(enoemde) he(re)n woute(re)n oft joncffr(ouwe) katlijne van lo(m)mene/ pytancie vrouwe vande(n) voirs(creven) cloeste(re) alle jae(re) den voirg(eruerde)/ t(er)mijne due(re)nde quol(ibet) ass(ecutu)[m] Item es vorweerde dat de voirs(creven)/ m(er)ten alle tijtverdich hout als nu op de voirs(creven) lande staende/ houwe(n) sal en(de) dat hout tussce(n) dit en(de) mey naestcomen(de) vande(n) lande/ voirg(eruerd) ruyme(n) en(de) des sal de voirs(creven) m(er)ten in elc vande(n) iiii
//
yersten jae(re)n coepe(n) om x stuv(er)s stroes en(de) dat te mest make(n) en(de) op/ tvoirs(creven) landt vue(re)n tslands meeste(n) profite ende des oic niet te/ myn en sal de selve m(er)ten de voirs(creven) goede(n) gehoude(n) zijn te mystene/ wel en(de) loflic gelijc zijne(n) reengenote(n) bove(n) en(de) benede(n) ende/ te zijne(n) afsceide(n) die voirs(creven) lande alsoe laten te zijne(n) als hijze/ vant te zijne(n) aencome(n) te wete(n) den wynt(er) aert wel en(de) loflic/ besayt met wynt(er) coerne op iiii getidege voe(re)n en(de) den somer art/ met somercorene besayt wel en(de) loflijc op ii gedidege voe(re)n/ en(de) de brake eens omgedaen Item es vorweerde dat de voirs(creven)/ m(er)ten in zijne(n) lesten jae(re) egheen recht hebbe(n) en sal inden/ houtwas voirs(creven) Ite(m) es oic vorweerde oft ghijsbrecht de/ conynck voirs(creven) hem totte(n) coerne opt voirs(creven) land dat jair/ gewassen e(n)nichs rechts v(er)mete(n) woude dat tvoirs(creven) cloest(er)/ den voirg(enoemde) m(er)ten dair af v(er)antweerde(n) sal kersmake(re) willem(air)/ aug(usti) sexta
//