Tvo(n)nisse tussce(n) he(re)n janne weys gehete(n) van doirne als proest/ scloesters van p(er)cke in deen zijde ende goerde roelofs gehete(n)/ inden corf nat(uer)lic janne vos sone wijle(n) willems janne de ma(n)/ gehete(n) inde(n) pollepel en(de) claes ballinc in dande(re) [op] welke p(er)sone/ voirs(creven) de voirg(enoemde) proest inde vroente hadde doen sette(n) gevo(n)nist/ hadde voe(r) meye(r) en(de) scepen(en) van loven(en) zeker scepen(en) br(ieve) van love(n)/ sprekende vande(n) goede(n) scloest(er)s voirs(creven) gelege(n) op de loe in beide(n)/ zijde(n) vande(n) thiensche(n) wege gelijc wout(er) de houwe(re) die te/ houde(n) plach welke brieve de voirg(enoemde) p(er)sone volvuert hadde(n)/ alsoe zij meynde(n) beghe(re)nde dair jege(n) te segge(n) en(de) metten/ rechte dair toe zij dach genome(n) hadde(n) inde(n) rechte te/ come(n) op den dach van hede(n) gelijc de voirs(creven) proest dat clarlic/ thoende [tot welke(n) dage zij niet come(n) en zijn] es geweze(n) met deze(n) woirde(n) dat de voirg(enoemde) p(er)sone(n)/ gehoude(n) zele(n) sijn den voirs(creven) proeft te voldoen(e) van alsoe verre/ hij ingebreke es nae inhout zijnre brieve(n) cora(m) pynnoc/ opp(endorp) rijke kersmake(re) velde vynck(enbosch) junii ultima
//