Item vanden stoete en(de) ghescille(n) die opv(er)staen zijn tusschen mijne(n) he(re) van/ den abt en(de) co(n)vente des godsh(uys) van p(er)cke in deen zijde ende/ willem(me) pols ja(n)ne de grute(re) van ysche(n) ja(n)ne m(er)cielis wy(n)nen des/ voirs(creven) godsh(uys) int hof te voshem in dande(re) alse vand(er) scaden/ die tvoirscr(even) godsh(uys) den voirs(creven) p(er)soenen eyschen(de) is vanden brande/ aldair gesciet doe zijn zij des bleven in segge(re)n te weten mijn/ he(re) en(de) co(n)vent voirs(creven) in mychiele abs(oloens) janne vand(er) haert ende/ de voirs(creven) wy(n)nen in jacop de gruyte(re) en(de) cornelis lambr(echt) bij/ also dat mijn he(re) en(de) co(n)vent en(de) desgelijx de wy(n)nen hue(re)n/ eysch in gescrifte malcande(re)n segg(er)s ov(er)gheven selen tusschen dit/ ende sondach avont naestcomende dair op o elc van hen/ zijn verantwerden maken sal en(de) ov(er)geve(n) bynnen iii dagen/ dair na dat gedaen selen de seggers hue(re) uutsprake doen/ op dat zijns eens zijn ende of des niet en zij by(n)nen viii/ daghen dair na halen een vo(n)nisse voir scepen(en) p(ro)mitt(entes)/ rat(um) rijke velde nove(m)br(is) vi[ta]
//