It(em) wout(er) gieskens in jegewoirdicheden d(er) scepen(en) van loven(en)/ heeft genome(n) en(de) bekent dat hij genome(n) heeft jegen jonch(e)r janne/ van goetshoven he(re) van voilne een molen des selfs jonch(e)rs jans/ gheheten van leefdale gelegen te rillair te houde(n) en(de) te hebbe(n) van/ kersmisse naestcomen(de) ene(n) t(er)mijn van vi jae(re)n lang deen nae dand(er)/ sonder middel volgende elx jaers daeren bynnen om en(de) voir xii/ mudden rox goet en(de) payabel d(er) maten van loven alle jae(re) te/ weten iii mudde dair af te paeschen iii mudde d(aer) af te sint/ jansmisse baptisten iii mudde dair af [te sinte remeys misse en(de) iii mudden d(aer) af] te kersmisse te betalen(e) ende/ te loven te leve(re)n den voirg(enoemde) jonch(e)r en(de) woute(re)n jans soen/ van breda oft den e(n)nigen van hen brenge(re) des briefs [alle jae(re) den voirg(enoemde) t(er)mijn due(re)nde] telken/ t(er)mine(n) als v(er)volgde schout It(em) noch om en(de) voe(r) iii l(i)b(ra) pijpca/ neels en(de) drie l(i)b(ra) gyngebeers goet en(de) payabel te bamisse te/ betalen den voirg(enoemde) t(er)mijn due(re)nde en(de) telken t(er)mine(n) etc(etera) als v(er)volgde/ scout It(em) is vorw(er)de dat de voirs(creven) jonch(e)r en(de) de molde(re) ten/ halve(n) tijde vanden voirg(enoemde) t(er)minen sceiden selen moegen en(de) soe/ wie alsoe sceiden wilt die moet den ande(re)n een jaer te voe(re)n/ condigen It(em) es vorwerde dat de voirg(enoemde) molde(re) ten afsceiden/ van sinen voirs(creven) t(er)mine(n) gheven en(de) betalen sal voir elcken/ duym slijtens vanden molenstene twe oude scilde cor(am) opp(endorp)/ vynck(enbosch) novembris xix
//