It(em) jan vand(er) donct van werchte(re) jan en(de) henric sijn kijnde(re) p(ri)[(us)]/ ema(ncipa)[ti] in yegenwoirdich(eit) der scepen(en) van loven(en) gestaen hebben/ genomen en(de) bekent dat zij genomen hebben tegen joese absoloens/ thof des selfs joes gelegen inde p(ro)chie van haeght metten/ wynnen(de) landen beemden eeusele(n) dair toe hoe(re)nde gelijc hij/ die opten dach van heden houden(de) es te houden te hebben/ en(de) te wynnen van uutganc mey neestcomen(de) ene(n) t(er)mijn/ van ix jae(re)n lang dair na deen na dande(re) staphans sond(er)/ middel volgen(de) elx jairs dae(re)n bynne(n) o(m)me xxii(½)/ mudde corens goet en(de) payabel d(er) mate(n) van loven(en) ende/ xxiiii gulden te weten xl pl(a)c(ken) alsulx payments als telke(n)/ t(er)mine van betalingen in brabant in borsen gaen sal voir elke(n)/ gulden gerekent te sente andries misse apostels te betale(n) en(de)/ vande(n) voirs(creven) beemde(n) en(de) eeusele(n) selen de voirs(creven) wynnen jairlix/ geven x gulden rijd(er)s der mu(n)te(n) ons gened(ichs) he(re)n en(de) vii/ rijnsch gulden(en) te sente m(er)tens misse inden wynt(er) te betale(n) alle/ jae(re) den voirs(creven) t(er)mijn due(re)nde en(de) telken t(er)mine als v(er)volghde/ schout It(em) es vorwerde dat de voirs(creven) wynnen de voirs(creven) lande/ jairlix wel en(de) loflic wynne(n) sele(n) gelijc hue(re)n reengenoten bove(n)/ en(de) beneden en(de) dat zij ten uutgaen vande(n) voirs(creven) t(er)mine den wijnt(er)art/ wel en(de) loflic bezaeyt laten sele(n) met wynt(er)coren op vier/ getidege voe(re)n de zom(er)art op drie voren en(de) de brake eens omgedaen/ It(em) en selen de voirs(creven) wynne(n) gheen stroe uut den voirs(creven) hove mogen/ vue(re)n mair dat ald(aer) etten net hue(re)n beesten mest dair af maken/ en(de) dat op tvoirs(creven) lant vue(re)n slants meesten p(ro)fite Voert selen/ de voirs(creven) wynne(n) jairlix leve(re)n l mandele(n) walme(re) om de/ huyse mede te decken en(de) als men die v(er)dect sele(n) de wynne(n)/ den wercliede(n) den montcost geven en(de) joes sal de dachue(re)n/ betalen En(de) waert dat de voirs(creven) joes aen de huyse ald(aer) yet/ dade reken dair zijs behoefde(n) soe soude(n) de wynnen den werc/ liede den cost geven en(de) joes de dachue(re)n betalen mair dade/ hij e(n)nige nuwe huyse d(aer) maken d(aer) af soude(n) de wynne(n)
//
ongelast sijn It(em) sele(n) de voirs(creven) wynne(n) op tvoirs(creven) goet te/ behoirlike tide mogen truncken alsoe vele willigen als sij/ behoeven selen de selve goede mede te bevreden en(de) ver/ droeghden d(aer) enige wilgen die zelen sij mogen afhouwen en(de) voir/ elke twee levende poten setten vanden selve arnde behoudelic/ dien dat de selve joes alle jae(re) sal mogen doen maken vande(n)/ voirs(creven) wilgen viii[c] wijngartstaken en(de) die sele(n) hen de selve/ wynnen vue(re)n aen sine(n) wijng(ar)t op reyberch It(em) es vorwerde dat/ de selve wynne(n) hebben selen alle doeft dat bynne(n) den voirs(creven)/ hove wassen sal en(de) doeft dat inden bog(ar)t ald(aer) wassen sal/ sal de voirs(creven) joes alleene hebben en(de) dat sele(n) hen de voirs(creven)/ wynne(n) jairlix te loven(en) bringen en(de) de wynne(n) sele(n) hebben/ de wyntvellinge inde(n) selve(n) bogart te rapen It(em) es vorw(er)de/ dat de voirs(creven) wynne(n) den voirs(creven) joese jairlix te loven(en) bringen/ selen thoey van vijf dachmale beemts in lovene(re)n beemde gelegen/ Ende alle dese vorwerden en(de) geluften hebben geloeft de voirs(creven)/ joes in deen zijde en(de) de voirs(creven) wynnen in dande(re) malcande(re)n/ vast en(de) gestentich te houden en(de) te voldoen tallen tiden en(de) t(er)mine(n)/ als die vallen en(de) v(er)schijnen sele(n) en(de) telken t(er)mine als v(er)volghde/ schout cor(am) pynnoc willem(air) decembr(is) xvii/