Tvonnisse tusscen geerde van bullestraten in deen zijde ende ja(n)ne/ van yssche in dande(re) alse van seke(re)n hoye lopende ter so(m)men van vi/ pet(er)s dair voe(r) de voirscr(even) jan met ja(n)ne vand vekeman jegen den/ selve(n) geerde gecocht hadde es gewijst met desen woirden dat de/ voirscr(even) jan van yssche den voirg(enoemde) geerde opleggen en(de) betalen sal/ de helcht van vi pet(er)s gelijc de wairh(eit) d(aer) af gedragen heeft en(de)/ heeft de voirg(enoemde) geert den voirscr(even) janne vekeman yet te eyschen/ dat hij dat doen mach en(de) metten rechte cor(am) eisd(em)
//