Item desgelijx es get(er)mineert vanden gescille wesende tusschen den voirs(creven) woute(re)n/ daneal ter eenre zijden ende baudewijne de roelye ter ande(re) alse vander/ haven des voirs(creven) wout(er)s die de voirs(creven) bouwen voe(r) zeke(re) schout die hem de/ voirs(creven) wout(er) sculd(ich) was met rechte en(de) met vo(n)nisse v(er)cocht hadde want/ de voirs(creven) baudewijn den voirs(creven) woute(re)n gep(rese)ntert hadde waert alsoe dat de/ voirs(creven) wout(er) meynde dat de voirs(creven) have te goeden cocht coep v(er)cocht hwae(re)/ geweest dat hij selve den co(m)mer die dair op met rechte gegaen was/ betalen woude en(de) dat men de voirscr(even) have alsoe v(er)re die nu ter/ tijt dair noch is noch van nuwes v(er)copen woude laten omme dair/ dair af betaelt te moegen werden oft dat de voirs(creven) wout(er) den voirg(enoemde)/ baudewijne vander zijnre scout v(er)nuegen soude en(de) die voirs(creven) have/ nae hem trecken mogen behoudelic want melcior van arkenen/ de voirs(creven) have oft tghene dat ov(er) des voirs(creven) baudewijns schout/ comen soude met rechte beslagen hadde dat de voirs(creven) have/ oft doverschot voirscr(even) ingewariger handt blyven sal tot derre tijt/ toe dat de voirs(creven) melceor en(de) wout(er) mett(er) my(n)nen oft metten rechte/ gesleten selen sijn van hue(re)r beyder gescillen voirs(creven) oft dat wout(er)/ den voirg(enoemde) melceor goede vestich(eit) doen sal te v(er)nueghen van des/ men vynnden [vynden] sal dat wout(er) tot melceor gehouden mach wezen/ omme dwelc van e(n)nich te doen de voirs(creven) wout(er) kose hebben sal/ xiiii dage lang nae datu(m) deser t(er)minacien actum in pleno con/ silio julii octava anno xlii
//