It(em) tvo(n)nisse tusscen willem(me) vand(er) hagen van molenbeke in deen zijde/ en(de) janne vander hofstat den jongen als wettich man en(de) momboir/ m(ar)griete(n) van wynge zijnre huysvrouwe(n) in dande(re) alse van xx/ gulden rijders die de voirs(creven) wille(m) met bedwange van rechte/ als borge m(ar)griete(n) voirs(creven) en(de) huer(er) moed(er) hadde moete(n) betale(n)/ aen henrick van hakendovel en(de) oic hondert en(de) i(½) stuv(er)s als voir/ dafquite(n) van ii mudde(n) rox lijfpense(n) en(de) van verlopens pachts/ der selver Item als van x gulden(en) van vroent gelde den guld(en)/ te xvi stuv(er)s gerekent iiii rinsche gulden(en) x stuv(er)s en(de) noch xii/ gulden(en) den gulden te x stuv(er)s gerekent van welker so(m)men/ gelts de voirs(creven) p(ar)tie(n) jegen malcande(re)n inde(n) rechte gestaen hadde/ voir scouth(eit) en(de) scepen(en) inder stat van dieste soe dat dair/ inne geprocedeert was mette(n) rechte dat de voirs(creven) willem/al aenlegge(re) zijne(n) eysch verreyct hadde op janne vander hofstat/ voirs(creven) vander so(m)men bove(n) v(er)claert gelijc dat dat de voirs(creven)/ willem met eenre opender c(er)tificatie(n) met den segel ten saken/ der stat van diest besegelt voe(r) meye(r) en(de) scepen(en) van loven(en)/ openbairlic dede blijcken es gewijst met deze(n) woirden dat/ de he(re)n scepen(en) van loven(en) blive(n) bij alsulke(n) vo(n)nisse als de/ scepen(en) van diest dair af geweze(n) hebbe(n) p(rese)nt(ibus) pynnoc opp(endorp)/ rijke kersmake(re) velde vynck(enbosch) et willem(air) julii p ultima
//