SAL7338, Act: R°177.1 (216 of 519)
Search Act
previous | next
Act R°177.1  
Act
Date: 1443-11-21

Transcription

2019-02-22 by Roger Morias
Van arnde goes/
Tvonnisse vanden gedinge hangende voe(r) meye(r) en(de) scepen(en) van loven(en)/
tusscen janne vande(n) lare in den zijde en(de) arnde goes poirte(r) van loven(en)/
in dande(r) alse van xxxvi gulden pet(er)s en(de) van seke(r) have die de voirs(creven)/
jan vand(er) lare eyschende was den voirs(creven) arnde welke xxxvi pet(er)s/
en(de) have de voirs(creven) arnt geloeft hadde den selve(n) janne te betalen(e)/
voir scouth(eit) en(de) scepen(en) van he(re)ntals te seke(re)n dagen te gheven die/
leden waren dwelc de voirs(creven) jan vande(n) lare thoende was gewese(n)/
met desen woirde(n) nae aensprake verantwirde(n) en(de) thoenisse dat de/
voirs(creven) arnt goes den voirs(creven) janne vande(n) lare voldoen sal gelijc/
de wairh(eit) gedrage(n) hadde behoudelic die(n) dat de voirg(enoemde) jan/
de(n) voirs(creven) arnde ontheffen sal van alsulker gelofte(n) als deselve arnt/
voe(r) scepen(en) van antwerpe(n) gedaen hadde oft goede vestich(eit) d(aer) voe(r) doen/
alsoe dat de voirs(creven) arnt en(de) zijn goede voir de voirs(creven) gelofte niet/
gepraemt en sal werden cora(m) lomb(ar)t abs(oloens) vynck voshem dor(ma)le/
nove(m)br(is) xxi
Contributorskristiaan magnus
Moderated bykristiaan magnus
Last update: 2014-10-07 by Jos Jonckheer