Cont zij allen lieden dat arnt vande(n) velde maghtelt weduwe jans wilen/ uut(er) helicht geheten vande(n) elsbroecke en(de) willem uut(er) helicht hue(r) soen in/ yegenwordich(eit) der scepen(en) van loven(e) gestaen hebben genomen en(de) bekent dat zij/ genomen hebben onbezund(er)t en(de) onv(er)scheiden van he(re)n ja(n)ne van weys geheten/ van deurne canonic en(de) proefst des cloest(er)s van p(er)cke inde(n) name en(de) van/ wegen des voirs(creven) cloest(er)s thof des selfs cloest(er)s geheten van veldonc alsoet/ inde p(ro)chie van werchte(r) es gelegen metten huysen hove(n) wynnende(n) [lande(n)] beemden/ euselen [heilichtwynni(n)gen] mett(er) grot(er) thienden van werchte(r) mett(er) thiende(n) vanden voirs(creven) hove/ mett(er) molen(en) bruggen en(de) chijnse totden voirs(creven) hove behoe(re)nde uutgenomen/ alleene de heilich(eit) Te houden te hebben en(de) te wynne(n) van half m(er)te/ neestcomen(de) dat zijn sal int jaer ons he(re)n dusent vie(re)nhond(er)t drienviertich/ eene(n) t(er)mijn van [enigte?] xii jae(re)n lange deen na dande(r) staphans sond(er) middel/ volgende opte condicien en(de) vorwerden hier na bescreve(n) Te weten dat/ de voirs(creven) arnt vand(en) velde maghtelt uut(er) helicht en(de) willem hue(r)/ soen in hue(re)n lesten jae(r) van hue(re)n voirs(creven) t(er)mine int voirs(creven) hoft leve(re)n/ selen twee goede voed(er) hoys en(de) xl mandele(n) stroes half ruggen en(de)/ half t(er)wen? ende voirtaen den abdt en(de) co(n)vente des voirs(creven) cloest(er)s elc/ des jaers betalen vande(n) voirs(creven) hove vanden beemden molen(en) en(de) ande(re)n / goeden totden voirs(creven) hove behoe(re)nde iii[c] en(de) xvi gulden pe(n)ni(n)gen gehete(n)/ crone(n) der mu(n)ten sconinx van vrancr(icke) goet van goude en(de) zwaer van/ ghewichte oft de werde d(es) af half sinte m(er)tens misse ind(er) wynter/ en(de) half te kersmisse telken t(er)mine als v(er)volghde schout Item hebben/ geloeft de voirs(creven) wynne te betalen alle jae(re) vand(er) voirs(creven) grot(er) thienden/ van werchte(r) hond(er)t en(de) sestich mudde even(en) goet en(de) payabel d(er) maten/ van loven(e) ald(aer) wassende en(de) d(aer) toe xxx guld(en) pe(n)ni(n)gen geheten cronen/ d(er) mu(n)ten voirs(creven) en(de) vijftich pont was alle jae(re) sinte andriesmisse apostels te/[betalen] en(de) sond(er) begrijp te paesschen d(aer) naest volgende en(de) te p(er)cke te leve(re)n den/ vorg(eruerden) t(er)mijn due(re)nde en(de) telken t(er)mine alse v(er)volghde schout It(em)/ selen [zij] noch jaerlix betalen ii[c] hantkeesen goet [en(de) cusbair] altoes sente remeysmisse/ en(de) te p(er)cke leve(re)n en(de) iiii[c] l(i)b(ra) bote(re)n sente andries missse inden wynter/ en(de) oic te p(er)cke leve(re)n den voirs(creven) t(er)mijn due(re)nde En(de) d(aer) toe selen de/ selve wynne(n) alle jaire betalen [alle] trecht des p(er)soenscap van werchte(r)/ ten tijde wezende te weten xii mudde even(en) d(er) maten voirs(creven) vier voed(er)/ hoys en(de) xxx mandele(n) stroes goet en(de) payabel It(em) sele(n) de selve wynne(n)/ geve(n) den voirs(creven) p(er)soen van werchte(r) jairlix den voirs(creven) t(er)mijn due(re)nde twee
//
halste(re)n rox goet en(de) payabel d(er) maten van loven(e) voir een cleyn thiende die/ de selve wynnen heffen selen It(em) sal de selve p(er)soen noch hebben/ een cleyn beemdeken gelegen acht(er) de goede arnts pelsers sonder e(n)nich/ wed(er)seggen der voirs(creven) wynnen It(em) selen de voirs(creven) wynne(n) noch betalen/ alle jae(re) den voirs(creven) p(er)soen van wercht(er) tons(er) vrouwen dage liecht/ misse viii gulden te weten twee gulden pe(n)ni(n)gen geheten crone(n) der/ mu(n)ten sconinx van vrancr(ijck) vanden lichte(n) gewichte nu t(er) tijt gemeynlic/ in borse gaende voir drie der selver gulden gerekent alse voir/ zeke(re) thienden van wine van hoye van even(en) van coren van gherste/ van tarwen en(de) ande(re)n vruchten Item selen de voirs(reven) wynne(n) ruyme(n) en(de)/ vegen de beke geheten de lake op hue(re)n cost en(de) laste tallen tijden/ alst behoere(n) sal en(de) ten uutgaene van hue(re)n t(er)mine alsoe geruymt en(de)/ gheveeght laten wel en(de) loflic It(em) selen de voirs(creven) wynne(n) op hue(re)n/ cost houden enen beer en(de) ene(n) v(er)re oft twee gelijc dat gewoenlic/ es en(de) tot heer toe gedaen hebben It(em) es vorw(er)de en(de) ond(er)sproken oft/ de voirs(creven) wynne(n) bynne(n) de t(er)mijn van xii jae(re)n voirs(creven) e(n)nich ty(m)merhout/ behoevende wae(re)n en(de) te doen hadden tot der bruggen en(de) molen(en) voirg(eruert)/ soe selen zij gaen tot p(er)cke aen den [abt] en(de) co(n)vent oft aen den ghene(n) die des/ van scloest(er)s wegen voirs(creven) macht sal hebben ende ald(aer) neme(n) enen ty(m)merma(n)/ oft molenslege(r) die hen hout bewisen sal omtrent p(er)cke staende/ metten welke(n) de voirs(creven) brugge en(de) molen(en) h(er)maect en(de) ghety(m)mert/ mogen werden en(de) dat op cost der voirs(creven) wynne(n) alsoe dicke ende/ menichwerve(n) als dat geboe(re)n sal en(de) te doen sal wezen de voirs(creven)/ brugge en(de) molen(en) te doen selen hebben Bij alsoe oic dat de selve/ wynne(n) gheen houdt toebehoe(re)nde den voirs(creven) hove van veldonc/ nyemande v(er)copen noch v(er)ande(re)n en selen mogen den t(er)mijn van/ xii jae(re)n voirs(creven) due(re)nde It(em) selen de voirs(creven) wynne(n) hebben/ tot hue(re)n p(ro)fijte en(de) nutsel torfmoir des voirs(creven) cloest(er)s dat uut/ ghegraven en(de) ghegrecht es en(de) oic dander torfmoir dat/ niet weghe grecht noch gegrave(n) en es tot hue(re)n p(ro)fite inder/ mainie(re)n gelijc zij dat hier voir tiden gehouden en(de) gehadt/ hebben en(de) and(er)s niet It(em) selen de selve wynne(n) vue(re)n oft/ doen vue(re)n alle jae(re) den t(er)mijn voirs(creven) twee voerd(er) torve(n) goet/ en(de) custbair ind(er) h(er)bergen en(de) woni(n)gen des voirg(eruert) cloest(er)s tot/ mechlen gelegen een voed(er) hoys vanden hoye der voirs(creven) wynnen
//
en(de) oic een voed(er) oreten It(em) sele(n) de selve wynne(n) alle jae(re) betalen/ voir tvueden van iiii calve(re)n vii hollansche gulden(en) goet ende/ payabel It(em) selen de voirg(enoemde) wynne(n) alle jae(re) den voirs(creven) t(er)mijn due(re)nde/ betalen de gijsten vande(n) honden behoe(re)nde tot den voirs(creven) hove van/ veldonc en(de) oic doen de gasterie des selfs hoefs op hue(re)n cost wel en(de)/ loflic alsoe dat den voirs(creven) cloeste(r) daer af egheen scade en come It(em)/ den chijs die tvoirs(creven) goet sculdich es sele(n) de voirs(creven) wynne(n) jaerlix betale(n)/ den t(er)mijn voirs(creven) due(re)nde en(de) de huysen tot den voirs(creven) hove behoe(re)nde/ houden op hue(re)n cost wel en(de) loflic van wande en(de) van dake en(de)/ die alsoe laten It(em) inde bossche vande(n) voirs(creven) hove en selen de voirs(creven)/ wynnen gheen recht hebben and(er)s dan de weyde thuyne(n) grechte(n)/ hagen en(de) de bloecken selen zij oic houde(n) en(de) hueden wel en(de) loflic/ alsoe zij best mogen It(em) vande(n) willigen en(en) eycken mogen de voirs(creven)/ wynne(n) gherden en(de) roeden houwen te gewoenlike(n) tijde(n) o(m)me de/ thuyne(n) al om de voirs(creven) goeden te maken Ende oft e(n)nige vande(n) willige/voirs(creven) bynne(n) de voirs(creven) tide v(er)droeghde die sele(n) de voirs(creven) wynne(n) moge(n)/ afhouwen en(de) voir elken v(er)droeghden boem twee ande(re) van gelike(n) arde planten/ de gaespen en(de) gherden vande(n) voirs(creven) willigen comen(de) en selen de voirs(creven) wynnen/ niet mogen v(er)copen noch v(er)ande(re)n It(em) dmest vande(n) voirs(creven) have selen de/ voirs(creven) wynnen tallen tiden vande(n) voirs(creven) t(er)mine(n) vue(re)n op tvoirs(creven) lant ende/ nergens elde(r) slants meesten p(ro)fite en(de) ten ynde vande(n) voirs(creven) t(er)mine dmest/ int voirs(creven) hof wezende op tselve lant vue(re)n en(de) de messie alsoe geruempt/ laten It(em) es oic vorw(er)de oft de vors(creven) wynne(n) e(n)nige scade van wegen/ des voirs(creven) abds en(de) (con)vent oft de selve abdt en(de) co(n)vent e(n)nige scade van/ wegen d(er) voirs(creven) wynne(n) hadden oft leden dat dan de p(ar)tie d(aer) af de voirs(creven)/ scade quame den ander die alsoe de scade lede en(de) hadde ten seggen/ van goede(n) ma(n)nen van beyden zijden d(aer) toe gecoe(re)n de voirs(creven) scaden oprichte(n)/ en(de) voldoen sal Vortmeer selen de voirs(creven) wynne(n) de voirs(creven) goeden ten eynde/ vande(n) voirs(creven) t(er)mine alsoet goede goet laten als zijse vonden hebben It(em)/ selen de selve wynne(n) hebben de beesten wagen ploegh eegde en(de) huysraet/ inden voirs(creven) hove van veldonc wezende gepresen en(de) getaxeert op xx/ mottoen(en) brabants van goude goet en(de) ghinge en(de) op v oude scilde van goude/ goet en(de) ghinge en(de) alsoe selen zij die laten en(de) vortaen alle jae(re) den/ termijn voirs(creven) due(re)nde de selve totder weerden van xl s(cellingen) bete(re)n en(de) oft die/ ten uutgaen vande(n) voirs(creven) t(er)mine bevonden worden dat selen de voirs(creven) wynnen
//
den voirs(creven) abdt en(de) co(n)vent oprichten en(de) oft die bete(re)n ten uutgaene/ vande(n) t(er)mine bevonden worden dat selen de selve abdt en(de) co(n)vent/ den voirs(creven) wynnen restitue(re)n en(de) oprichten It(em) selen de voirs(creven) wynne(n)/ ten uutgaen van hue(re)n t(er)mine vi(½) boende(r) bezaeyt laten met/ wynt(er) rogge dair af dat de drie boend(er) wel gemest zijn selen/ It(em) drie boende(r) met zomer rogge en(de) vier boende(r) met/ even(en) It(em) selen de selve wynnen hebben [tot hue(re)n p(ro)fite] de molen met/ hue(re)r toebehoerten sonder e(n)nigen tax d(aer) af te geve(n) den voirscr(even)/ t(er)mijn due(re)nde Mogen oic de voirs(creven) wynnen oft hen gelieft de(n) selven/ molen ov(er)geven en(de) laten volgen sond(er) e(n)nigen afslach van e(n)nigen vorw(er)den/ en(de) condicien voirg(eruert) ende es te weten dat de molensteene inde voirs(creven)/ molen wezende toebehoe(re)n den voirs(creven) wynnen metden welken/ zij altoes hue(re)n eygen wille en(de) p(ro)fijt doen mogen en(de) dyser/ werc al en(de) yegewelc en (de) die matelen vormen vand(er) slachmolen/ toebehoiren den voirs(creven) abdt en(de) co(n)vent Voirt meer es vorw(er)de dat/ nyemande ov(er)geven noch laten en selen mogen in gheend(er) manie(re)n/ sond(er) consent en(de) orlof des voirs(creven) abds en(de) co(n)vent welke cond(icien)/ geluften en(de) vorwerden (et)c(etera) H(ier) af zijn borgen de voirs(creven) wynne(n)/ onbezund(er)t en(de) onv(er)scheiden en(de) elc voir al peter ty(m)merman willem/ cleyarnts daneel vanden hornicke jan alarts henric/ vanden velde en(de) henric van bolloe Et tres p(ri)mi lomb(ar)t/ voshem oct(obris) xvi