Cond zij allen lieden dat lodewijc van oppendorp die gegoet en(de) gheerft es/ inde herberge geheten den hert met allen sinen [hue(r)] toebehoirten gelegen inde hoelstrate/ tusschen thuys geheten den slotel ende [thun de goede] jannes ympens huys geheten den p(ate)r n(oste)r/ in deen zijde ende de voirs(creven) jannes ympens die gegoet en(de) gheerft es int/ voirs(creven) huys geheten den p(ate)r n(oste)r in dande(re) ende alsoe [die] hue(re)r beyder huyse aen/ een hebben liggende gestaen voe(r) scepen(en) van loven(e) om te scuwen en(de) te v(er)hueden/ allen den stoet die tusschen hen van hue(re)n voirs(creven) goeden wille opverrisen mocht/ zijn mintlijc eens worden ende overcomen met malcande(re)n voir hen hue(re)n/ erven ende naecomelingen onder houden te werden der poenten hier na bescreven/ Inden yersten dat dwater comende vander daken ge(n) [en(de)] huysen des voirs(creven) jannes/ ende desgelijcx dwater comende uuter scal scaelgien en(de) coken(en) vanden huyse/ des selfs jannes sinen ned(er)val ende verloepe hebben sal over ende doer/ de scaelgie des voirs(creven) lodewijcx ter hoelstraten w(er)t toe Item dat de voirs(creven)/ lodewijc en(de) jan den putte staende tusschen hue(re)r beyder scaelgien ende dien/ den voirs(creven) lod(ewijc) ende jannese gemeyn wesen sal houden selen van dake/ zeelen eeme(re)n rep(ar)atien ende anders des [me(n)] dair aen behoeven mach tot elcx gherieve/ op hue(re)n ghemeynen cost ende last Item dat de voirs(creven) jannes v(er)metsen/ sal op sinen cost alle doe(re)n staende nu t(er)tijt tusschen de scaelgie oft/ huyse des voirs(creven) lodewijcx ende des voirs(creven) jannes ende desgelijcx/ hoegen ende opmetsen den muer tusschen beyde der voirs(creven) scaelgie staende/ vier voete hoger dan die nu es op dat den voirs(creven) lodewijcke gelieft/ ende and(er)s niet Item sal oic de voirs(creven) jan vast verstraelgen oft/ and(er)sins toemaken alle de vinst(er)en staende aen de came(r) des voirs(creven)/ jannes geheten van bout(er)shem dienende ende liecht hebbende ter scaelgien/ w(er)t des voirs(creven) lodewijcx alsoe datmen daer doer niet comen oft/ clymmen en sal mogen Item sal de voirs(creven) lodewijc oft hem gelieft/ mogen beti(m)me(re)n dliecht vanden ghevel vanden stalle des voirs(creven)
//
jannes ter zijden waert vanden peerboem aldair staende opte scaelgie des voirscr(even) lodewijcks/ It(em) selen de voirs(creven) lodewijck ende jannes op hue(re)n gemeynen cost houden den muer oft/ ghevel dienende tusschen thuys geheten den hert ende ende de came(r) des voirs(creven) jannes/ staende boven de poirte vander selver herbergen ende desghelijcx de loeten goeten/ liggende boven tusscen de selve came(r) boven de porte staende ende den hert/ Item sal de porte vand(er) voirs(creven) herbergen mogen bliven hangen(e) inden muer/ vanden huyse des voirs(creven) jannes gelijc die nu hanght op dat lod(ewijc) gelieft/ en(de) sond(er) zijnen cost Item en mach [sal] de voirs(creven) lodewijcke gheen ti(m)meringe/ maken inden inganc vanden porten vande voirs(creven) herbergen tot de helicht/ vanden ghevel vander came(re)n geheten van bout(er)shem [moege(n) make(n)] dair mede dat dliecht/ vanden huyse der voirs(creven) jannes enichsins belett worde mair de voirs(creven)/ lodewijck sal na sijnre gelieften zijn huyse mogen op vue(re)n alsoe hoege als/ hij wilt ende alsoe liecht maken na sijnre gelieften welke poenten (et)c(etera)/ lomb(a)r(t) pynno vynck febr(uarii) viii