Het sijn comen te rechte inde banc voe(r) meye(r) en(de) scepen(en) te/ loven(e) jan marcels de jonge jan van udekem voirspreke/ en(de) lambrecht necker die na de heerlich(eit) ons gened(ichs) he(re)n/ des h(er)togen en(de) den rechte sijnre stad van loven(e) comen en(de) / geleit sijn tot allen den goeden jans jouffr(ouwe) ydenoyen en(de) katline(n)/ van nodevoirt van thiene(n) in deen zijde goessen en(de) vranc/ meylaens gebruede(re) voe(r) hen en(de) hue(re)n medeplichte(re)n die/ dair inne p(ar)tie soude(n) mogen maken de welke zij op hen/ namen in dande(re) Aldair de voirs(creven) drie geleidde v(er)sochte(n)/ in hue(re)n scep(en)en brieve(n) gehoude(n) te worden van sesse boende(r)/ lants gelegen tusschen wange en(de) lae(r) in ene(n) stucke tussche(n)/ de goeden der wittevrouwe(n) van thiene(n) en(de) reyniers oliviers/ doir welc lant een strate strecken(de) en(de) gaende es Ende na/ dien spraken de voirs(creven) ii gebruerde(r) tvoirs(creven) goed aen seggende/ dat een geheten jouffr(ouwe) maghtelt meylaens tvoirs(creven) goet/ beseten hadden over xxxv xl jae(re)n en(de) dair bove(n) alse hue(r)/ wettige erve en(de) dat zij dair uut wae(r) gestorve(n) sond(er) er/ van hue(re)n live te laten alse uut hue(re)n erve Seggen(de) voirt dat/ de selve jouffr(ouwe) vande(n) voirs(creven) goede(n) v(er)cocht hadde op en(de) afgedaen/ na huer(er) goeden sond(er) yemants toedoen en(de) soe wa(n)ne[e]r de gronthe(re)/ vande(n) voirs(creven) goede(n) voe(r) den chijs hadde willen volgen dat de conde/ d(aer) af als erfwijf altijt hadde gedaen geweest aen d(er) voirs(creven) jouffr(ouwe)/ maghteld en(de) dat de selve jouffr(ouwe) maghtelt tvoirs(creven) goet alt(oes)/ in pechtingen alse hue(r) erflijcheit uutgegeve(n) hadde en(de) dat/ de ghene die dat hadde(n) gehoude(n) der voirs(creven) jouffr(ouwe) maghtelt/ den pacht dair af hadden betaelt Oic wairt wair dat de voirs(creven)/ jan van nodevoirt die den brief vande(n) voirs(creven) beleide hadde bekent/ comen wae(r) inden hof te wange en(de) hadde aldair tvoirs(creven) goet/ ontfangen na shoefs recht en(de) een clage opte selve goede na d(er)/ banc recht gedaen en(de) dae(re)n teynden gemechticht ja(n)ne van nodevoirt/ den jongen sinen soen tvoirs(creven) goet metten hofrechte als voirt te/ bedingen en(de) dat de selve jan van nodevoirt borge gesedt hadde
//
tvoirs(creven) goet inden voirs(creven) hof uut te bedingen sond(er) dair tegen geweer te/ zuecken met gheesteliken of ande(r) weerlike(n) recht Ende dat/ de sake inden hof bedinght was aensprake v(er)antwerden/ en(de) drie dage van thonissen op de sake geleit en(de) geleden wae(re)n/ alsoe v(er)re dat elc p(ar)tien op zijn thonisse gerenu(n)tieert hadde/ en(de) dat de scepen(en) van wange svo(n)nisse vand(er) pr(in)cipaeld(er) saken/ gemaent wae(re)n en(de) hue(re)n verft d(aer) op name(n) en(de) of zij hue(re) mede/ gesellen gehadt hadden dat zij hue(r) hoet opte sake soude(n) hebbe(n)/ begrepen en(de) dat dae(re)n teynden de voirs(creven) p(ar)tien geweest hadden/ voer scepen(en) van fez te namen de vand(en) voirs(creven) scepen(en) van wange/ hoet sijn tot tween stonden en(de) dat ten uut(er)sten de selve scepen(en) van/ fess te namen hue(re)n voir raet die beyde de p(ar)tien d(aer) af bezund(er)/ begheerden in manie(re)n van vo(n)nissen geseeght hadden dat zij recht/ voirt souden nemen en(de) geven inden hof Ende also wairt geboert/ dat de voirs(creven) jan van nodevoirt die sijn cleyn recht mocht be/ duchten comen wae(r) na alle der voirs(creven) handelingen en(de) hadde ind(er)/ voirs(creven) maten tot sinen goede(n) den beleiden Seggende voirt/ de selve gebruede(re)n dat de voirs(creven) jouffr(ouwe) maghtelt was hue(r)/ wettige moye zuster van goessen willen meylaens hue(re)n vader/ en(de) dat zij wettige kijnde(re) wae(re)n des welfs wilen goessens en(de) de/ neeste leven(de) vande(n) voirs(creven) goeden en(de) vander zijden dair die af/ comen wae(re)n Seyden voirt de selve gebruede(re) dat zij de voirscr(even)/ goede inde(n) hof op gehaven hadden eer en(de) voe(r) de voirs(creven) jan van/ nodevoirt Welke poenten de voirs(creven) gebruede(re)n boden te thoenen/ metder wet dair de voirs(creven) saken gehandelt wae(re)n scepen(en)/ brieve(n) goeden manne(n) ende metten minsten dair mede zij/ liden souden mogen inden rechte en(de) of dat te cleyn wae(r) en(de)/ zijs noet hadden soe boden zij dair af te doen op de selve goede/ hue(r) behoudt na den recht het wae(r) na der stat recht of/ inden hof hopende na de wairheit die zij boden en(de) dbehoudt/ dat zij inne leyden alsoe v(er)re dat den [he(re)n] scepen(en) van loven(e) geliefde/ dat de sake comen souden inden hof en(de) voirt bedinght worde(n)
//
om aldair eene(n)yegelike(n) te mogen hebben dat hij van goede en(de) rechts/ wegen sculdich wae(re) te hebben oft ten uut(er)sten dat de voirs(creven) drie/ geleidde met hue(re)n beleide aen de voirs(creven) goeden verdoelt soude(n)/ sijn en(de) dat hen die sculdich wae(re)n te volgen en(de) des geliefde/ hen een von(n)isse Op welke aensprake de voirs(creven) jan marcels/ jan van udeken en(de) lambrecht necker hen v(er)antwerden seggen(de)/ dat daensprake vanden voirscreven gebruede(re)n meylaens hen ende/ hue(re)n scepen(en) brieven gheen onstade den en soude bij reden(en) want/ het wae(re) wair dat henric jan vrancke jouffr(ouwe) marie en(de)/ lijsbeth [wilen] van nodevoirt waren zuste(r) en(de) bruede(re) en(de) dat de/ voirscr(even) jouffr(ouwe) marie en(de) lijsbeth tvoirs(creven) goet met meer/ ande(re)n voe(r) hue(r) deylinge besaten ter tijt als zij leefden als/ hue(r) wettige erven en(de) dat jouffr(ouwe) marie yerst dair/ uut starf als uut hue(re)n erve ende also behielt de voirs(creven)/ jouffr(ouwe) lijsbeth tselve goet ende besat dat als hue(r) erve/ ende starf dair uut als uut hue(re)n p(ro)pe(re)n erve Ende/ alsoe wairt gebuert des leden ware xl jair en(de)/ meer dat de voirs(creven) jouffr(ouwe) maghtelt meylaens die/ van huers vader ende moeder goede niet en hadde om/ dat zij sonder consent van vrienden ontscaecte ende te huwelic/ toegh niet der voirscr(even) jouffr(ouwe) marien ende lijsbetten die/ hue(r) moyen wae(re)n vander moeder zijden woende tot dat zij/ inder voirscr(even) maten ontscaecte welc jouffr(ouwe) lijsbeth/ recht erfwijf vanden voirscr(even) goeden aensach de liefde/ die zij hadde tot der selve jouffr(ouwe) maghtelden en(de)/ gaf hue(r) tvoirs(creven) goet voe(r) hue(r) ende hue(r) wettige/ oiren of zij e(n)nige hadde van hue(re)n live te besitten en(de)/ of zij gheen gebuerte en hadde was in der ghisten/ vorwerde oft de selve jouffr(ouwe) maghtelt kenlike
//
noet hadde dat zijt dan soude mogen beco(m)me(re)n of/ v(er)copen ende of zij alsulken noet niet en hadde/ dat dan nae huer doot tvoirscr(even) goet weder om/ comen en(de) gaen soude op de naeste leven(de) vander/ voirs(creven) jouffr(ouwe) lijsbetten ende alst vand(er) handelingen/ die de voirs(creven) gebruede(re) meylaens verhaelt hadden/ van des inden hof wae(r) gesciet seggen de voirs(creven)/ geleidde dat de selve gebruede(re) des ne(m)mermeer/ alsoe thoenen en selen ende dat de voirs(creven) jan van/ nodevoirt die de voirs(creven) goede inden hof niet/ bedinght en hadde gemechticht hadde janne sine(n)/ soen tvoirs(creven) goet te bedingen ende aldaer mochten/ de saken soe v(er)re gehandelt sijn dat de voirs(creven) jan va(n)/ nodevoirt ende de gebruede(re) meylaens gedinght hadde(n)/ sonder dair inne alsoe v(er)re gep(ro)cedeert te hebben dat/ de sake yer gesloten was oic was de selve jan van/ nodevoirt de jonge in sijns vaders broede Ende/ al wairt soe dat hij sijns vaders gedeelte mechtich/ geweest hadde soe en hadde hij gheen macht te bedinge(n)/ trecht van jouffr(ouwe) ydenoyen ende katline(n) die alsoe wale/ erfwijf vanden voirs(creven) goeden wae(re)n alse de voirs(creven) jan van/ nodevoirt Seyden voirt de voirs(creven) geleidde dat de/ voirs(creven) jan jouffr(ouwe) ydenoyen en(de) katline van nodevoirt/ die den brief bekent hadden wae(re)n wettige kinde(re)/ vranx wilen van nodevoirt brueder der voirs(creven) jouffr(ouwe)
//
lijfbetten en(de) marien seyden oic dat de selve twee gesuste(re)/ ende oic maghtelt meylaens wae(re)n gestorven sonder wettige/ gebuerte van hue(re)n live te laten ende de voirs(creven) drie p(er)sone(n)/ die den brief hadden bekent wae(re)n de naeste leven(de) vande(n)/ voirs(creven) goeden ende vander zijden dair die af comen wae(re)n/ ende dat de voirs(creven) jouffr(ouwe) maghtelt meylaens tvoirs(creven) goet/ mids der voirscr(even) condicien beseten hadde als tochtersse en(de)/ dat bleec bij dien dat zij tvoirs(creven) goet niet en hadde mogen/ belasten sonder consent ende toedoen vande(n) voirs(creven) janne/ alsoe dat gesciet wae(r) Ende dese poenten boden de/ voirs(creven) drie geleidde te thoenen met alsulker behoeften als/ hen noet wae(r) en(de) metten minsten (et)c(etera) Hopende oic/ dat de voirs(creven) gebruede(re) meylaens ne(m)mermeer behoudt/ hebben en souden op goede die inder voirs(creven) maten als/ tocht en(de) op de voirs(creven) conditie beseten wae(re)n noch oic dat/ zij ne(m)mermeer inden hof gestelt souden worden en(de) zund(er)lingen/ vanden tween derdengedeelte dair inden hof noet questie/ af en was mair dat hen en(de) hue(re)n beleide tselve goet/ soude volgen en(de) des geliefde hen trecht na welc/ p(ar)tiescap beyde de voirs(creven) p(ar)tien wae(re)n gewijst tot/ hue(re)n thonisse Tot welken dage thoenden de/ voirs(creven) gebrued(er)s meylaens inden yersten met tween scepen(en)/ van wange dat de voirs(creven) jan van nodevoirt tvoirs(creven)/ goet ontfangen hadde dair op de clage gedaen ende/ dat hijt voirt hadde gemechticht janne sine(n) soen ende/ dat jan van nodevoirt comen wae(r) inde banc en(de) hadde/ ald(aer) borge gesedt worde de sake aldair gewonnen
//
oft verloe(re)n niet recht dat hij dat gestentich houden soude/ in alle bancken in gheesteliken ende weerliken rechte en(de)/ dat jan van nodevoirt de sake alsoe v(e)re bedinght dat/ hadde dat beyde de voirs(creven) p(ar)tien op hue(r) thonisse gewijst/ sijnde hue(r) volproeve dage hadden gehadt en(de) dat/ zij alsoe ten lesten genechte op hue(r) thonisse r(e)nu(n)ceerden/ ende hue(r) sake sloten op de voir raet die zij vanden/ scepen(en) van fess hadden gehadt Droegen voirt iiii scepen(en)/ dat zij dair na gemaent wae(re)n op de sake dair op zij/ hue(re)n verft namen en(de) hadden zij hue(r) medegesellen gehadt/ sij souden opt p(ri)ncipael hue(r) hoet hebben begrepen Thoende(n)/ voirt metten selven scepen(en) dat de voirs(creven) jouffr(ouwe) maghtelt/ meylaens tvoirs(creven) goet beseten hadde ov(er) xx xxx jairen/ en(de) dair boven Deden oic lesen ene(n) scepen(en) brief van/ wange dair mede jouffr(ouwe) maghtelt op de helicht/ vanden voirs(creven) goeden v(er)cocht hadde sesse mudde corens/ erfpachts ende dair na droegen de scepen(en) voe(r) hue(r)/ beste conde dat de selve jouffr(ouwe) tvoirs(creven) goet beseten/ hadde en(de) dair af een erfwijf was na inhouden des/ briefs en(de) dat de selve jouffr(ouwe) de hanteringen vanden/ voirs(creven) goede(n) gehadt hadde en(de) dair uut gestorve(n) alse/ uut hue(re)n erne Duygden voirt drie goede ma(n)nen/ deen d(aer) af over xl jair en(de) dande(r) dair onder dat zij/ tvoirs(creven) goet hadden gehouden vand(er) voirs(creven) jouffr(ouwe) maghtelt/ en(de) dat zij anders niet en wisten dan dat hue(r) p(ro)per erve/ was Droegen voirt twee scepen(en) van esemale dat de voirs(creven)/ jouffr(ouwe) maghtelt voe(r) hen gederft hadde ond(er)half dach(mael)/ lants gelegen tot esemale ond(er) den jonch(e)r van gheete ende/ trecht van loven(e) dwelc een gedeelte was vande(n) voirscr(even)/ sesse boende(r) en(de) dat zij dair inne gegoede hadde goessen
//
meylaens Thoenden voirt niet tween ma(n)ne(n) oft goessen meylaens/ noch geleeft hadde dat hij dan des voirs(creven) goets also na/ sijn soude alse de voirs(creven) jan van nodevoirt en(de) dat de/ voirs(creven) goessen ende jouffr(ouwe) maghtelt wae(re)n zuster ende/ bruede(r) en(de) dat de voirs(creven) twee gebruede(re)n wae(re)n wettige/ kinde(re) goessens meylaens ende dat zij van maghtelden/ meylaens ende hue(re)n goeden de naeste leven(de) wae(re)n/ Mids welken thonisse zij meynden dat de voirs(creven) sake/ geremitteert soude worden ende dat zij inde goeden bliven/ souden gemerct dat zij noch p(rese)nteerden dbehout als voe(r) Na/ desen thoenden de voirs(creven) drie geleide dat jan nodevoirt/ tvoirs(creven) goet opgehave(n) hadde te thiene(n) voe(r) meye(r) en(de) scepen(en)/ van wange die hij ald(aer) ontboden hadde en(de) dat hij doen ja(n)ne/ sine(n) soen de sake mechtich maecte en(de) dat dair na jan de soen/ die in sijns vaders broede was comen wae(r) inde(n) hof en(de) hadde/ de borchtocht ald(aer) gedaan en(de) tgedinge gevolght en(de) dat/ jan van nodevoirt inden hof niet comen en wae(r) noch v(er)volgh/ gedaen en hadde Droegen voirt de selve scepen(en) dat zij opt/ p(ar)tiescap tusschen de gebruede(re)n meylaens en(de) janne van nodevoirt/ den jongen ten uut(er)sten vand(er) saken hie(re)n verft hadden genomen/ ende al waert also dat zij hue(r) hoet dair af hadde(n) begrepe(n)/ dat nochtan p(ar)tien xiiii nacht d(aer) na hue(r) op en(de) afdoen soude(n)/ hebben en(de) hue(r) sake mogen v(er)bete(re)n na der bancke(n) recht/ Cleerden oic de selve scepen(en) dat jouffr(ouwe) ydenoyen en(de) katline/ gheen mechtich(eit) noch vervolgh inde(n) hof gedaan en hadden en(de)/ dat zij de inden hof met gesien en hadden Dair na droegen/ drie wettige ma(n)nen dat henric jan vrancke lijsbeth en(de) jouffr(ouwe)/ marie wae(re)n zuster en(de) bruede(re)n van wettigen bedde en(de) dat/ de selve jouffr(ouwe) lijsbeth en(de) marie de selve sesse boende(r) lants/ besaten met meer ande(re)n goede(n) voe(r) hue(r) deylinge alse hue(r)/ wettige erve en(de) dat jouffr(ouwe) marie yerst dair uut starf alse
//
uut hue(re)n erve en(de) d(aer) na bleeft op jouffr(ouwe) lijsbette(n) welc jouffr(ouwe) lijsbeth/ die erfwijf vand(en) voirs(creven) goeden was tselve goet gaf jouffr(ouwe)/ maghtelde(n) meylaens met condicien dat zijt en(de) hue(re) wettige kinde(re)/ of zij e(n)nige acht(er)liete tot ewigen dagen soude(n) besitten en(de) oft zijs/ kenlike noet hadde dat zijt dan soude mogen beco(m)me(re)n oft v(er)copen/ en(de) of des niet en gebuerde dat dan na hue(r) doot wed(er) om comen/ soude op de naeste leven(de) van jouffr(ouwe) lijsbette(n) voirs(creven) Droege(n) voirt/ drie goede ma(n)ne(n) dat de voirs(creven) jan jouffr(ouwe) ydenoyen en(de) katline/ van nodevoirt wae(re)n wettige kinde(re) vranx van nodevoirt brued(er)/ der selv(er) jouffr(ouwe) lijsbetten en(de) dat zij de naeste leven(de) wae(re)n vande(n)/ voirs(creven) goeden en(de) vand(er) zijden dair die af comen wae(re)n Dair na/ wairt gelesen inde banc ene(n) scepen(er) stat recht van thiene(n) d(aer)mede/ de voirs(creven) jan van nodevoirt nad(en) stat recht van thien(en) vande(n) sesse/ mudde corens die opt goet v(er)cocht war(re)n oic mede vestich(eit) gedaen/ hadde Droegen d(aer) na twee priest(er)s dat doen t(er)tijt v(er)dedinght was/ ten bijwezen vander vrouwe(n) van zule en(de) den pat(er) van barbele(n) dale/ dat de voirs(creven) jouffr(ouwe) maghtelt vande(n) voirs(creven) gode(n) niet meer v(er)copen/ soude en(de) dat zij die soude laten gaen d(aer) zij sculd(ich) wae(re)n te gaen Droege(n)/ de selve dat doen men die vestich(eit) dede en(de) men jouffr(ouwe) maghteld(en)/ vraeghde wair om zij huers brued(er)s kinde(re) d(aer) bij niet en ontboet dat/ zij doen antworde dat die d(aer) bij niet te doen en hadden want de goede(n)/ ter die(r) zijde niet comen en mochte(n) mair dat zij gaen soude(n) op de kinde(re)/ van nodevoirt Dair na thoenden de selve geleidde metden he(re) van/ wange en(de) sine(n) chijsboecke dat hij opde voirs(creven) sesse boende(r) hadde/ sesse pe(n)ninge groit chijs en(de) dat zijn boec xl jair out was genome(n)/ sond(er) af oft toedoen uut sijns vad(er)s boecke en(de) dat van dien tijde en(de) d(aer)/ bove(n) tvoirs(creven) goet altijt gestaen hadde op die van nodevoirt en(de) noch/ dade en(de) of hij voe(r) gebrec van chijze hadde wille(n) volge(n) dat hij d(ay)/ conde soude hebben gedaen aen die van nodevoirt Dit gedaen/ hoepte de voirs(creven) geleidde dat hen de voirs(creven) goede sculdich mochte volge(n)/ en(de) des geliefde hen wale trecht aengesien hue(r) cleer thonisse hoepte(n)/ zij dat de sake ni(m)mermeer geremitteert en soude worde(n) noch dat zij ne(m)/ mermeer behoudt hebbe(n) en soude(n) en(de) na tp(ar)tiescap van beyde(n) zijden worde(n)/ de sepen(en) van loven(e) voirt gemaent die wijsde(n) voir een von(n)isse na/ aenspraeke v(er)antw(er)den en(de) thonisse van beyde(n) p(ar)tien dat men de voirs(creven) ja(n)ne/ m(ar)cels de(n) jongen ja(n)ne van udeke(m) en(de) lambrechte necke(r) vande(n) voirs(creven)/ goede(n) houde(n) soude in hue(re)n beleide also v(er)re dat noch voe(r) scepen(en) va(n)/ loven(e) comen wae(r) p(rese)nt(ibus) lomb(ar)t lye(mingh)[en] pynnoc vync voshe(m) dor(ma)le febr(uarii) p(ri)ma