Item navolgende den co(m)promisse gedaen voe(r) scepen(en) van loven(e) tusschen robbrechte/ huyghs in deen sijde lambrechte de hertoge alse geleit totten goeden wouters/ wilen moreel en(de) lijsbethten weduwe des voirs(creven) wilen wouters in dande(r)/ alse van hue(re)r beyder erve deen aen dande(r) inde per dorpstrate liggen(de)/ hebben de vier gesworen(en) stad meeste(re)n en(de) werclieden dair inne de selve/ p(ar)tien hen te voe(re)n verbonden hadden gelijc tvoirs(creven) co(m)promis dat uutwijst/ hue(r) uutsprake gedaen inder manie(re)n hier nae volgende Te weten(e)/ dat des voirs(creven) robbrechts hi achterste huys oft eetcame(r) en(de) dat achterste/ huys des voirs(creven) wilen wouters die nu tertijt deen in dander gebonden/ en(de) gevesticht staen alsoe tot ewegen daghen bliven selen en(de) gehouden/ worden Bij alsoe dat de voirs(creven) lambrecht en(de) de weduwe de loeten/ goete liggen(de) aen tvoirs(creven) achterste huys ter sijden oft huyse wert/ des voirs(creven) robbrechts tot eewegen dagen houden selen en(de) twater/ vanden voirs(creven) huyse comen(de) leiden over thuys des selfs robbrechts/ tot op hue(r) erve oft scaelgije liggen(de) over dander sijde vanden/ voirs(creven) huyse sinte peters kercken wert en(de) van alse van huer/ beyden hoeve achter de voirs(creven) huyse liggen(de) es der voirs(creven) meeste(re)n/ uutsprake dat de voirs(creven) robbrechts hebben sal den hof tot vanden/ eynde [en(de) teken] vanden ghevel vanden achtersten huyse des voirs(creven) wilen/ wouters lijnrecht tot opden pael oft teken staende op [neven] dynde/ van hue(re)r beyder hoeve(n) tegen den borren putte over aldair/ wesende En(de) den vrede dair af sal de selve robbrecht op sijne(n)/ cost tot eewigen dagen houden en(de) moeten maken Item alse/ vanden vier voeten erfs de welke te staen plagen tusschen beide/ de voirs(creven) huysen dair inne de voirs(creven) lambrecht en(de) de weduwe/ meynden gericht te wesen de welke over een lange wile tijts/ gelijc den achtersten huyse des voirs(creven) robbrechts tot aen dachterste huys
//
oft ghevel voirs(creven) des voirs(creven) wilen wouters bety(m)mert zijn gewest Es oic hue(r)/ uutsprake dat de selve lambrecht noch de weduwe dair inne ne(m)mer meer/ egheen recht [hebben] noch behouden en selen en(de) mydts deser uutspraken selen/ de voirs(creven) p(ar)tien van hue(re)r beyder erve voirs(creven) van malcande(re)n te vreden/ staen en(de) tot eweghen dagen vereenicht bliven sonder daer tegen/ te mogen comen oft te doene in e(n)nigher manie(re)n alle argelijst/ uutgescheiden en(de) hebben voer geloeft de voirs(creven) p(ar)tien de voirs(creven) huy/ uutsprake te houden en(de) malcande(re)n te voldoene gelijc en(de) inder/ manie(re)n die voirs(creven) es [steet] Coram py(n)noc voshem maii quarta