It(em) [want] peter de ridde(re) smet die geleit es tot den goeden mertens van leuwe soen jans/ wilen van leuwe van meerhout heylwigen lijsbetten ende gertruden sijnre dochte(re)n opden/ dach van heden hadde doen inscriven janne daems m(ar)garieten weduwe ghijsbrechts/ wilen van lae(re) gheerde van leuwe janne coels mychiele symoens en(de) henr(icke)/ screls die hem aen thie(ne)ndeel vanden goeden hier na bescreven ongebruyc deden/ te weten van iii dach(mael) erfs gelegen opte boect inde p(ro)chie van meerhout/ tusschen de goeden liebrechts van cast(er)le ende hubrechts spapen It(em) van ii/ dach(mael) lants gelegen tusschen janne coels ende goerde vander voert met enen/ driessche dair aen gelegen It(em) van iii dach(mael) lants gelegen op de scoeneycke/ tusschen henricke de voeght ende janne vaes It(em) van ii dach(mael) lants/ gelegen int nuwe bloc tusschen janne coels op beyden zijden It(em) van/ ii dach(mael) heiden gelegen inde ghemeyn heyde van meerhout It(em) vanden/ derdendeele int groet eeusel houden(de) omtrent ix dach(mael) It(em) vanden derdendeele/ van iii boende(r) beemts gelegen tusschen janne boysers en(de) lyebrechts van/ casterle tot welken daghe de voirs(creven) p(ar)tien niet comen en zijn soe/ eest dat de scepen(en) van loven(en) ter manissen smeyers ghewijst hebben/ voe(r) een vo(n)nisse datmen den voirs(creven) pete(re)n vanden voirs(creven) goeden houden/ sal in sinen beleide alsoe verre dat voe(r) scepen(en) van loven(en) noch comen/ es p(rese)ntib(us) lombart lye(mingh)[en] abs(oloens) dormale junii xxvii